जळगाव (प्रतिनिधी) प्लास्टिक दाण्यांची कंपनी टाकण्याचे आमिष दाखवून ५ लाख ५६ हजार ५८१ रुपयात फसवणूक प्रकरणी दाखल गुन्ह्यातील आरोपीला एमआययडीसी पोलिसांनी अटक केली आहे.
यासंदर्भात अधिक असे की, सुलेमान इस्माईल दिलेर (वय-४७ रा. दिलेर इस्टेट वेश्मा जलारपूर नवसारी गुजरात) यांची जावेद सलीम पटेल (रा.गणपती मंदिर जवळ गणेशपुरी, जळगाव) याने ३ जानेवारी २०१५ ते १ डिसेंबर २०१७ च्या दरम्यान, एमआयडीसी भागातील सेक्टर ६८ मध्ये असलेल्या खान प्लास्टिक कंपनीमध्ये प्लास्टिक दाण्यांची कंपनी टाकण्याचे आमिष दाखवून कटकारस्थान अरचून सुलेमान दिलेर यांच्याकडून तब्बल सात लाख रुपये उकळले होते. यापैकी १ लाख १३ हजार ४१९ रुपये पटेलने दिलेर यांना परत केले होते. परंतु उर्वरित ५ लाख ८६ हजार ५५१ रुपये देण्यास टाळाटाळ केली होती. त्यामुळे या प्रकरणी सप्टेंबर महिन्यात गुन्हा दाखल करण्यात आला होता. याप्रकरणी आज आरोपी जावेत पटेलला एमआयडीसी पोलिसांनी अटक केली असून त्याला न्यायालयात हजर करण्यात येणार आहे. पुढील तपास पोहेकॉ विजय पाटील हे करीत आहे.
