जळगाव (प्रतिनिधी) जिल्ह्यातून तीन गुन्हेगारांची टोळी दोन वर्षासाठी हद्दपार करण्यात आली आहे. इरफान हबीब तडवी (टोळी प्रमुख), जमील ऊर्फ गोलू बिस्मील्ला तडवी (टोळी सदस्य), आणि शब्बीर रमजान तडवी (टोळी सदस्य) सर्व रा.पिंप्री ता. रावेर अशी हद्दपार करण्यात आलेल्या तिघांची नावे आहेत.
रावेर पोलिस स्टेशनला हद्दपार करण्यात आलेल्या तिघांविरुद्ध विविध गुन्हे दाखल आहेत. रावेर शहरात शांतता ठेवण्यासाठी तिघांविरुद्ध वेळोवेळी प्रतिबंधात्मक कारवाया करण्यात आल्या होत्या. तरीदेखील त्यांच्या वर्तनात सुधारणा झाली नाही. त्यामुळेच पोलिस अधिक्षक एम. राजकुमार यांच्या आदेशाने तिघांना जळगाव जिल्ह्यातून दोन वर्षासाठी हद्दपारीचे आदेश काढण्यात आले आहेत. याबाबतची माहिती स्थानिक गुन्हे शाखेचे वरिष्ठ पोलीस निरीक्षक किसनराव नजन-पाटील यांनी दिली आहे.
