धरणगाव (प्रतिनिधी) स्थानिय महात्मा फुले हायस्कूल, धरणगाव येथे विद्येची खरी देवता सावित्रीबाई फुले जयंतीनिमित्त विनम्र अभिवादन करून महिला मुक्ती दिन – बालिका दिन व महिला शिक्षक दिन साजरा करण्यात आला.
सांस्कृतिक विभाग प्रमुख एस. एन. कोळी यांनी प्रास्ताविक केले. याप्रसंगी शाळेच्या मुख्याध्यापिका पी.आर. सोनवणे, जेष्ठ शिक्षीका एम. के. कापडणे यांच्या हस्ते १ जानेवारी १८४८ रोजी आशिया खंडातील पहिली मुलींची शाळा पुणे येथे भिडेच्या वाड्यात काढून शिक्षणाची मुहूर्तमेढ रोवणारे भारतातील थोर समाज सुधारक – क्रांतीसुर्य – सत्यशोधक – राष्ट्रपिता – तात्यासाहेब महात्मा ज्योतिराव फुले व विद्येची खरी देवता सावित्रीमाई फुले यांच्या कार्याला त्रिवार अभिवादन करून त्यांच्या प्रतिमेचे पुजन करण्यात आले. सावित्रीमाई जन्मोत्सव निमित्त शाळेतील विद्यार्थ्यांनी महामातांची वेशभूषा साकारली होती. यामध्ये राष्ट्रमाता जिजाऊ माँसाहेब भारतातील थोर समाजसुधारक – राष्ट्रपिता महात्मा ज्योतिराव फुले, विद्येची खरी देवता सावित्रीमाई फुले, रणरागिनी अहिल्यामाई होळकर, त्यागमूर्ती रमाआई आंबेडकर तसेच डॉक्टर, इंजिनीअर, वकील, पोलीस आदी वेशभूषा देखील शाळेतील मुलींनी भूषविल्या.
याप्रसंगी शाळेचे पर्यवेक्षक जे. एस. पवार, एम. बी. मोरे, एस. व्ही. आढावे, एस.एन. कोळी, सी.एम.भोळे, हेमंत माळी, पी.डी. पाटील, व्ही.टी.माळी, श्रीमती व्ही.पी.वऱ्हाडे, एम.जे.महाजन, लिपीक जे.एस. महाजन, पी.डी. बडगुजर, जीवन भोई, ग्रंथपाल गोपाल महाजन, अशोक पाटील, प्रदिप पवार उपस्थित होते. कार्यक्रम यशस्वीतेसाठी शिक्षक व शिक्षकेतर कर्मचारी वृंद यांनी सहकार्य केले.
