धरणगाव (प्रतिनिधी) येथील एकशे सहा वर्षाची उज्ज्वल परंपरा असलेल्या महाराष्ट्रातील नामवंत शतकोत्तरी पी.आर.हायस्कूल मध्ये क्रांतिज्योती महात्मा जोतिराव फुले यांच्या पुण्यतिथीनिमित्त प्रतिमेचे पूजन करून अभिवादन केले.
पी. आर. हायस्कूल सोसायटीचे संचालक अजय पगारीया, मुख्याध्यापक डॉ. संजीवकुमार सोनवणे, पर्यवेक्षिका आशा शिरसाठ, एनसीसी मेजर डी. एस. पाटील, ज्येष्ठ शिक्षक कैलास वाघ यांनी माल्यार्पण करुन अभिवादन केले. मुख्याध्यापक डॉ.संजीवकुमार सोनवणे यांनी महात्मा फुले यांच्या सामाजिक चळवळीचा आढावा घेऊन फुले दाम्पत्याचे अलौकिक कार्यकर्तृत्व अधोरेखित केले. प्रास्ताविक कैलास वाघ यांनी केले तर आभारप्रदर्शन पी.डी.माळी यांनी केले. याप्रसंगी शिक्षक चंद्रकांत शिरसाठ, बी.सी.कोळी, एन. यू. पाटील, वाय.ए.पाटील, डी.एच.कोळी, आर.जे.धनगर, आर.एल.पाटील, ग्रंथपाल विराग बाजपेयी आणि शिक्षकेतर कर्मचारी उपस्थित होते. कार्यक्रमासाठी राजेंद्र पवार, योगेश नाईक, जितेंद्र दाभाडे, मिलिंद हिंगोणेकर यांनी सहकार्य करावे.
