पाळधी ता. धरणगाव (प्रतिनिधी) राष्ट्रवादी काँग्रेस पक्षाच्या सामाजिक न्याय विभागाच्या जिल्हाध्यक्षपदी पाळधीचे अरविंद मानकरी यांची नुकतीच निवड झाली होती. पालकमंत्री ना.गुलाबराव पाटील यांनी मानकरी यांचे अभिनंदन केले.
ना. अजितदादा पवार यांच्या नेतृत्वातील राष्ट्रवादीच्या सामाजिक न्याय विभागाच्या जिल्हाध्यक्षपदी अरविंद मानकरी यांची निवड झाली आहे. मानकरी यांनी आज पालकमंत्री ना.गुलाबरावजी पाटील यांची पाळधी येथील निवासस्थानी भेट घेतली. पालकमंत्री ना.पाटील यांनी मानकरी यांचे अभिनंदन करत पुढील वाटचालीस शुभेच्छा दिल्या. अरविंद मानकरी यांच्या पत्नी पाळधी खु! येथून मोठ्या मताधिक्याने ग्रामपंचायतमध्ये निवडून आले असून मानकरी कुटुंब हे कायम सामाजिक क्षेत्रात अग्रेसर असते. जिल्ह्यात अजितदादा पवार यांनी केलेल्या केलेल्या पक्षाच्या नियुक्तीचा पहिला मान मानकरी यांना मिळाला आहे. त्यांचे राष्ट्रवादी युवक धरणगाव माजी तालुकाअध्यक्ष नाटेश्वर पवार, शिवसेनेचे तौसिफ पटेल, बंडू दादा नारखेडे, आबा माळी, अनिल माळी, प्रशांत झंवर, नवल पाटील , आदी उपस्थित होते सर्व स्थरावरून मानकरी यांचे अभिनंदन होत आहे.
