धरणगाव (प्रतिनिधी) शहरातील गुरुकुल इंग्लिश मीडियम स्कूलमध्ये आज प्रजासत्ताक दिन मोठ्या उत्साहात साजरा करण्यात आला. यावेळी दुसरी ते पाचवीच्या विद्यार्थ्यांची परेड खास आकर्षण ठरली.
कार्यक्रमाच्या सुरुवातीला सर्व मान्यवरांचे स्वागत करण्यात आले. कार्यक्रमाचे प्रमुख अतिथी प्रा. रोहिणी अग्निहोत्री मॅडम यांच्या हस्ते ध्वजारोहण करण्यात आले. आज शाळेत विविध कार्यक्रम आयोजित करण्यात आले होते. परेड, भाषण, पोवाडा, देशभक्तीपर गीते आणि देशभक्तीपर नृत्याने सर्वांचे लक्ष वेधले. दुसरी ते पाचवीच्या विद्यार्थ्यांनी सुंदर अशी परेड सादर केल्याने उपस्थित असलेल्या सर्व पालकांनी टाळ्यांच्या गडगडाटात विद्यार्थ्यांचे कौतुक केले.
कार्यक्रमाचे प्रमुख पाहुणे अग्निहोत्री मॅडम यांनी प्रजासत्ताक दिनाचे महत्त्व व स्वातंत्र्य मिळविण्यासाठी स्वातंत्र्य सैनिकांच्या त्यागा विषयी मनोगत व्यक्त केले. या कार्यक्रमाला शाळेचे चेअरमन आनंदराव पवार, व्हाईस चेअरमन मालती पवार, शाळेच्या प्राचार्य वैशाली पवार मॅडम, गायत्री वाघ मॅडम, अंजली चव्हाण मॅडम, हरी वाघ, राज चव्हाण, गौरंगी वाघ, कृष्णा पवार, स्नेह भाटिया,छाया पाटील मॅडम, सिमरन खाटीक मॅडम, मृणाली सोनवणे मॅडम, शुभांगी पाटील मॅडम, शीला चौधरी मॅडम, तहजीब खाटीक मॅडम, पूजा चौधरी मॅडम, अंकिता पवार मॅडम,माधुरीताई ,राखीताई, व सर्व पालक रुंद उपस्थित होते. कार्यक्रमाचे सूत्रसंचालन राधा भंडारी मॅडम यांनी केले. प्रमुख अतिथी बद्दल परिचय तिलोचना बडगुजर मॅडम यांनी दिला. परेडचे आयोजन रोहित सपकाळे यांनी केले.आणि वैशाली जैन मॅडम यांनी आभार प्रदर्शन केले. सर्वात शेवटी वंदे मातरम व देशभक्तीपर नारे लावून कार्यक्रमाची सांगता करण्यात आली.
