धरणगाव (प्रतिनिधी) उत्तम नगर पाडा, पद्मालय फाटा, एरंडोल येथे पावरा वस्तीत देवगिरी कल्याण आश्रम, महिला समिती, एरंडोल यांच्यातर्फे आरोग्य शिबिर घेण्यात आले.
आरोग्य शिबिरासाठी डॉ. चेतन भावसार व डॉ. पंकज अमृतकर, धरणगाव यांनी लहान मुले, मोठी माणसे मिळून जवळपास १०० रुग्णांची तपासणी केली. आणि त्यांना मोफत गोळ्या, औषध, इंजेक्शन देण्यात आले. यावेळी देवगिरी कल्याण आश्रम महिला समिती धरणगाव येथील पल्लवी मोरे व मंजूषा पाटील तसेच महिला समिती एरंडोल येथील संध्या महाजन व सारिका पाटील उपस्थित होत्या. पाड्यावरील दयाराम पावरा, प्रकाश बारेला, दिनेश पावरा यांनी देखील सहकार्य केले.
