मुंबई (वृत्तसंस्था) केईएम रुग्णालयात कोरोना लस कोव्हिडशील्डचे मानवी परीक्षण सुरू करण्यात आले आहे. आज म्हणजेच शनिवारी तीन स्वयंसेवकांवर या कोरोना लसीची चाचणी घेतली जाणार आहे.
कोरोना लसीची चाचणी आता मुंबईत सुरू झाली आहे. त्यानुसार आज आरटीपीसीआर आणि अँटिबॉडीज चाचणी निगेटिव्ह आलेल्या तीन स्वयंसेवकांना आज लस टोचण्यात येईल. लस दिल्यानंतर तिघांवर काही परिणाम होतो का?, याची तपासणी करण्यात येणार आहे. एक महिन्यांने पुन्हा लसीचा दुसरा डोस दिला जाणार आहे. आतापर्यंत १३ लोकांवर स्क्रीनिंग करण्यात आली आहे. यामध्ये १० लोकांची स्क्रीनिंग आतापर्यंत पूर्ण झालेली आहे.
