गाझियाबाद (वृत्तसंस्था) गाझियाबादमध्ये एका पतीने बिअर पिऊन (drinking beer) पत्नीचे अश्लील फोटो काढून ते व्हायरल केल्याची धक्कादायक घटना समोर आली आहे. महिलेच्या तक्रारीवरून पोलिसांनी आरोपी पतीसह दोघांविरुद्ध गुन्हा दाखल करून तपास सुरू केला.
मिळालेल्या माहितीनुसार, गाझियाबादच्या कवीनगर पोलीस स्टेशन परिसरात राहणाऱ्या एका विवाहित महिलेनं तिच्या पतीवर बिअर पाजून तिचे अश्लील फोटो काढल्याचा आणि चुलत सासऱ्यानं ते व्हायरल केल्याचा आरोप केला आहे. कौटुंबिक वादातून आपली बदनामी केल्याचा आरोप करत विवाहितेनं पोलीस ठाण्यात फिर्याद दिली आहे. पोलिसांनी दोघांविरुद्ध गुन्हा दाखल केला आहे.
पीडित महिलेचे म्हणणे आहे की, नोव्हेंबर २०१९ मध्ये तिचे लग्न मेरठमध्ये राहणाऱ्या तरुणाशी झालं होतं. वर्षभरापासून तिचे पतीसोबत भांडण सुरू असून, त्यामुळे ती माहेरी राहत आहे. महिलेचा आरोप आहे की, काही दिवसांपूर्वी पतीनं बिअर पिऊन तिचे अश्लील फोटो काढले होते. त्याचवेळी, बुलंदशहर येथे राहणारे चुलत सासरे यांनी तिचे ते वैयक्तिक फोटो व्हॉट्सअॅपवर व्हायरल केले.
