मुंबई (वृत्तसंस्था) महिलांच्या कपड्यांसंदर्भात उत्तराखंडचे नवनियुक्त मुख्यमंत्री तीरथ सिंह रावत यांनी एक वादग्रस्त वक्तव्य केले होते. त्यांनी रिप्ड जीन्स संदर्भात केलेल्या वक्तव्यानंतर बिग बी अमिताभ बच्चन यांची नात नव्यानं प्रतिक्रिया दिली आहे. नव्यानं सोशल मीडियावर तीरथ सिंह रावत यांच्या वक्तव्याचा स्क्रीनशॉट शेअर करत म्हंटले आहे की, आमचे कपडे बदलण्याआधी आपली मानसिकता बदलायला हवी. मी अभिमानानं रिप्ड जीन्स घालणार आहे.
नव्यानं सोशल मीडियावर तीरथ सिंह रावत यांच्या वक्तव्याचा स्क्रीनशॉट शेअर करत लिहिलं आहे की, WTF, आमचे कपडे बदलण्याआधी आपली मानसिकता बदलायला हवी. तिनं म्हटलं आहे की, मी अभिमानानं रिप्ड जीन्स घालणार आहे. तिनं पुढं म्हटलं आहे की, मुख्यमंत्री आम्हाला चांगलं वातावरण देऊ शकतात का? एक फोटो शेअर करत तिनं म्हटलं आहे की, मी माझी रिप्ड जीन्स पहनूंगी, धन्यवाद. आणि मी या जीन्सला अभिमानानं घालणार, असंही तिनं म्हटलंय.
तीरथ सिंह रावत यांनी देशातील सर्व महिलांची माफी मागावी – प्रियांका चतुर्वेदी
दरम्यान, तीरथ सिंह रावत यांनी या वक्तव्याबाबत देशातील सर्व महिलांची माफी मागावी, अशी मागणी शिवसेनेच्या खासदार प्रियांका चतुर्वेदी यांनी केली आहे. संस्काराच्या गोष्टी करणाऱ्या या लोकांनी महिलांच्या सुरक्षेबाबत कधी बोलणार असा सवाल देखील चतुर्वेदी यांनी केला आहे. आज महिलांना सुरक्षा हे लोक देऊ शकत नाहीत, त्यांनी आधी देशातील महिलांना सुरक्षा देण्याचं पाहावं, असंही त्या म्हणाल्या.
