मुंबई (वृत्तसंस्था) तुम्ही ख्रिसमस आणि थर्टी फस्टच्या पार्टीचं प्लानिंग करत असाल तर तुमच्यासाठी महत्त्वाची बातमी आहे. मुंबईसह राज्यात कोरोना व्हायरसचा नवा व्हेरिएंट ओमिक्रॉनचा संसर्ग दिवसेंदिवस वाढतोय. अशातच मुंबई पोलिसांनी ३१ डिसेंबरच्या रात्रीपर्यंत नवी नियमावली जारी केली आहे. उद्यापासून मुंबईत नवी नियमावली लागू होणार आहे.
मुंबईतील मॉल, हॉटेल, दुकानांमध्ये पूर्ण लसीकरण झालेल्यांनाच प्रवेश मिळणार आहे. सार्वजनिक कार्यक्रमात केवळ ५० टक्के उपस्थितीची अट लागू करण्यात आली आहे. मुंबईत उद्यापासून मुंबई पोलिसांनी नवी नियमावली जारी करण्यात आली आहे. मॉल, दुकानं, सार्वजनिक वाहतूक इथे केवळ पूर्ण लसीकरण झालेल्यांनाच प्रवेश देण्यात येणार आहे.
थर्टी फर्स्टच्या पाटर्य़ांवर पालिकेचा वॉच असणार आहे. १०० भरारी पथकं यासाठी नेमण्यात आलीत. प्रत्येक वॉर्डात २ ते ५ भरारी पथकं नेमून कारवाई करण्याचा निर्णय घेतलाय. हॉटेल, रेस्टॉरंट, हॉल, पब, पाटर्य़ांच्या ठिकाणी पालिकेचे अधिकारी पोलिसांसह सरप्राइज व्हिजिट करणार आहेत. यावेळी मास्क न घातल्यास, गर्दी आढळल्यास रोख दंड किंवा साथरोग कायद्यानुसार कारवाई करणार आहेत.
