जळगाव (प्रतिनिधी) सीआरपीसी १०७ प्रमाणे कारवाई केल्याचा राग आल्यामुळे जळगावात पोलिसाला शिवीगाळ करत दमदाटी केल्याप्रकरणी एकाविरुद्ध गुन्हा दाखल करण्यात आला आहे.
या संदर्भात आशिक असे की, पोहेकॉ संजय श्रीधर झाल्टे (नेमणूक जळगाव शहर पोलीस स्थानक) यांनी विलास हेमलाल सोनवणे (रा. वाल्मिक नगर, जळगाव) याच्याविरुद्ध सीआरपीसी १०७ प्रमाणे कारवाई केलेली होती. त्याचा राग आल्याने विलासने झाल्टे यांना तुला जास्त झालेले आहे. यापुर्वी मी तुझ्यावर केलेले खोटे अर्ज व तुझ्याकडे तपासावर असलेल्या अदखलपात्र फिर्यादीत तुला त्रास व्हावा याकरीता माहीती अधिकार मागितले होते. तरी तुझी जिरलेली नाही. आता मी पुन्हा तुझ्यावरती वरिष्ठांकडे अर्ज व तक्रारी करेल. तू नोकरी कशी करतो?, तुला नोकरी करु देणार नाही आणि तुझी नोकरी कशी खातो तू पहाच, असे म्हणून शिवीगाळ दमदाटी केली म्हणून गुन्हा दाखल करण्यात आला असून स.फौजदार उल्हास चर्हाटे हे करीत आहेत.
