जळगाव (प्रतिनिधी) शहरातील छत्रपती शाहू महाराज हॉस्पिटल आणि कोविड लसीकरण सेंटरची महापौर जयश्री महाजन व उपमहापौर कुलभूषण पाटील यांनी पाहणी केली. यावेळी शहरात लसीकरण वाढवण्यासाठी मनपा मालकीची काही स्थळे महापौरांनी सुचवली आणि त्याठिकाणी तातडीने व्यवस्था करण्याचे सांगितले.
महापौर जयश्री महाजन यांनी पाहणी केली त्यावेळी त्यांच्यासोबत उपमहापौर कुलभूषण पाटील, नगरसेवक किशोर बाविस्कर, कुंदन काळे, उमेश सोनवणे डॉ.मनीषा उगले, कार्यालय अधीक्षक भट, परिचारिका मारिया आणि अधिकारी उपस्थित होते.
महापौर जयश्री महाजन यांनी सांगितले की, शहरात पिंप्राळामध्ये असलेली पडकी शाळा दुरुस्त करून तेथे लसिकरणाबाबत जागा उपलब्ध करून देण्याबाबत योग्य तो पाठपुरावा करावा, त्याठिकाणी पूर्णवेळ वीजपुरवठा, पाणीपुरवठा असावा जागा स्वच्छ ठेवावी यासाठी पूर्णवेळ स्वच्छ्ता कर्मचारी देणे तसेच पिण्याचे पाणी मिळणे याबाबत योग्य ती कार्यवाही करावी. तसेच निमखेडी परिसर हा खूप दूर असल्याने दादावाडी परिसरात हेल्थ पोस्ट यासाठी ३-५ खोल्या बंधाव्या आणि रुग्ण लसीकरणासाठी ते आल्यावर त्यांचे तापमान घेणं, त्यांना निर्जंतुककरण करणे याबाबत योग्य खबरदारी घ्यावी अशा सूचना महापौर जयश्री महाजन यांनी केल्या.
