धरणगाव (प्रतिनिधी) जुनी पेन्शन योजना लागू करावी तसेच राष्ट्रीय निवृत्ती वेतन योजनेची लागू करणे तसेच इतर विविध मागण्यांसह महाराष्ट्र राज्य नगर परिषद संवर्गातील अधिकाऱ्यांचे संघटनेमार्फत धरणगाव नगरपालिकेतील बेमुदत संपत सुरुवात केली आहे.
यावेळी कार्यालय अधीक्षक भिकन पारधी, कर निरीक्षक प्रणव पाटील, लेखापाल दीपलेश बागुल, विद्युत अभियंता राहुल तळेले व कार्यालयीन सर्व कर्मचारी उपस्थित होते. यावेळी राष्ट्रवादीचे जिल्हा उपाध्यक्ष तथा माजी उपनगराध्यक्ष दीपक वाघमारे आणि सिताराम मराठे यांनी संपस्थळी जाऊन कर्मचाऱ्यांना पाठिंबा दिला. तसेच त्यांच्या मागण्या मान्य झाल्या पाहिजेत, असे मत राष्ट्रवादीचे जिल्हा उपाध्यक्ष दीपक वाघमारे यांनी व्यक्त केले.
मागण्या मान्य न झाल्यास अत्यावश्यक सेवेसह तीन तारखेपासून सर्व कर्मचारी बेमुदत संपावर जाणार असल्याची माहिती कार्यालयीन अधीक्षक भिकन पारधी यांनी दिली.
