जालना (वृत्तसंस्था) सुप्रसिद्ध कीर्तनकार निवृत्ती महाराज देशमुख इंदुरीकर यांच्या कारला जालन्यातील परतूर शहराजवळ अपघात झाला आहे. परतूर (जालना) तालुक्यातील खांडवीवाडी इथे किर्तनासाठी जात असतांना एका ट्रॅक्टरवर गाडी आदळून हा अपघात झाला. अपघातात इंदोरीकर महाराजांना कोणतीही इजा झाली नसून गाडीचा चालक संजय गायकवाड किरकोळ जखमी झाला आहे.
जालना तालुक्यातील खांडवीवाडी येथे कीर्तनासाठी जात असतांना साईनाथ कॉर्नरवरील हॉटेल मधूबन समोर रस्ता क्रॉस करणाऱ्या एका ट्रॅक्टरवर आदळल्याने हा अपघात झाला. माहितीनुसार ह.भ.प निवृत्ती महाराज देशमुख इंदोरीकर यांच्या चारचाकी वाहनाला परतूर शहरातील साईनाथ कॉर्नरवर किरकोळ अपघात झाल्याची घटना बुधवारी रात्री साडेआठ वाजण्याच्या सुमारास घडली. या अपघात इंदोरीकर महाराजांना कोणतीही इजा झाली नसून गाडीचा चालक संजय गायकवाड किरकोळ जखमी झाला आहे.
अपघाताची माहिती मिळताच परतुरचे पोलिसांची एक टिम तात्काळ घटनास्थळी दाखल झाले. जखमी चालकाला पोलिसांच्या मदतीने शहरातील रुग्णालयात दाखल करण्यात आले आहे. अपघात स्थळावरून इंदोरीकर महाराज यांना दुसऱ्या वाहनाने खांडवीवाडी येथे पोचवण्यात आले. या ठिकाणी त्यांचे किर्तन नियोजित वेळेत पार पडले. दरम्यान अपघाताची माहिती मिळताच शहरातील नागिरकांनी घटनास्थळी मोठी गर्दी केली होती.
