फैजपूर (प्रतिनिधी) पत्रकार बांधवांना नेहमीच बातमी संकलन करताना घराबाहेर गाडीवर फिरावे लागते. तसेच त्यांच्या घरातील ते कुटुंबप्रमुख असल्याने संपूर्ण कुटुंब हे त्यांच्यावरच अवलंबून असते. म्हणून पत्रकार बांधवांचा अपघात विमा काढण्यात यावा अशी संकल्पना महामंडलेश्वर जनार्दन हरीजी महाराज यांनी मांडली होती. या संकल्पनेला प्रतिसाद देत सामाजिक कार्यकर्त्या दिपाली चौधरी झोपे यांच्या दिपाली गृप्सतर्फे शहरातील पत्रकार बांधवांचा वार्षिक अपघात विमा काढण्यात येत आहे.
या संकल्पनेला प्रतिसाद देत सामाजिक कार्यकर्त्या व जनसंघ सेवक मंच प्रदेश उपाध्यक्षा दिपाली चौधरी झोपे यांच्या दिपाली गृप्सतर्फे शहरातील पत्रकार बांधवांचा वार्षिक अपघात विमा काढण्यात येत असुन सोमवारी शहर पत्रकार संघाचे अध्यक्ष प्रा. उमाकांत पाटील यांना महामंडलेश्वर जनार्दन हरीजी महाराज व दिपाली चौधरी झोपे यांच्याहस्ते विमा पॉलिसीचे प्रातिनिधिक स्वरूपात वितरण करण्यात आले. यावेळी इंडियन जर्नलीस्ट असोसिएशन जिल्हाउपाध्यक्ष संदिप धर्मराज पाटील, उद्योजीका सौ. संगिता चौधरी, कृषी पदवीधर युवाशक्ती संघटनेचे अक्षय धांडे, देवेंद्र झोपे आदी उपस्थित होते. फैजपूर शहरातील सर्व पत्रकार बांधवांनी या योजनेचा लाभ घ्यावा असे आवाहन यावेळी महामंडलेश्वर जनार्दन हरीजी महाराज तसेच सौ. दिपाली चौधरी झोपे यांनी केले आहे.
