जळगाव (प्रतिनिधी) अपार्टमेंटमध्ये जिन्याखालील बाजूस असलेल्या सेफ्टीडोअरचे कुलूप तोडून ईन्वहरर्टरच्या दोन बॅटऱ्या चोरुन नेल्या. ही घटना दि. १५ रोजी दुपारच्या सुमारास मोहाडी रोडवरील नूतन वर्षा कॉलनीत घडली. अपार्टमेंटच्या सीसीटीव्ही कॅमेऱ्यामध्ये ही संपुर्ण घटना कैद झाली आहे. त्यानुसार पोलिसांनी बॅटरी चोरणाऱ्या चार जणांना ताब्यात घेतले असून त्यांची कसून चौकशी केली जात आहे.
शहरातील मोहाडी रोडवरील नूतन वर्षा कॉलनीत गोविंद विष्णू मराठे हे चटई व्यापारी वास्तावस असून त्यांचे मालकीचे चार मजली अपार्टमेंट आहे. याठिकाणी दैनंदिन लाईट जात असल्यामुळे त्यांनी अपार्टमेंटच्या जिन्याखाली सेफ्टी डोअर लावून तीन ईन्व्हरर्टरच्या मोठ्या बॅटरी लावल्या आहेत. दि. ९ रोजी दुपारी दोन वाजेच्या सुमारास अपार्टमेंटमध्ये राहणारे दैनंदिन कामात व्यस्त असल्याने कोणतरी अज्ञात इसम अपार्टमेंटमध्ये शिरले. त्यांनी सेफ्टी डोअरचे कुलूप तोडून १९ हजार रुपये किंमतीची बॅटरी चोरुन नेली. त्यानंतर पुन्हा दि. १५ रोजी दुपारच्या सुमानास त्याच ठिकाणाहून चोरट्याने २१ हजार रुपयांची दुसरी बॅटरी देखील चोरुन नेली.
बॅटरी चोरतांना चोरटे सीसीटीव्हीत कैद
भरदुपारच्या सुमारास सेफ्टी डोअरचे कुलूप तोडून दोन बॅटरी चोरी झाल्याची घटना उघडकीस आल्यानंतर गोविंद मराठे यांनी अपार्टमेंटमधील सीसीटीव्ही कॅमेऱ्याचे फुटेज तपासले. यावेळी त्यांना दुपारच्या सुमारास एक तरुण तोंडाला रुमाल बांधून अपार्टमेंटमध्ये शिरतांना दिसला आणि दुसरा इसम दुचाकी घेवून त्याच्या मागून शिरला आणि दोघे बॅटरी चोरुन नेतांना कैद झाले.
वाहनातून बॅटरी चोरणारे चौघे ताब्यात
चोरी करतांनाचे सीसीटीव्ही फुटेज पोलिसांनी हस्तगत केले आहे. त्या फुटेजवरुन बॅटरी चोरुन ती बॅटरी चारचाकी वाहनातून घेवून जाणाऱ्या चौघांना पोलिसांनी गुन्हा दाखल झाल्यानंतर ताब्यात घेतले. ते चौघ उच्चशिक्षीत असून त्यांच्याविरुद्ध रामानंद नगर पोलीस ठाण्यात गुन्हा दाखल करण्यात आला आहे.
