जळगाव (प्रतिनिधी) शहरातील रुक्मिणीनगर भागात राहणाऱ्या एका महिलेला लग्नाचे आमिष दाखवत अत्याचार करून लग्नास नकार दिल्याचा धक्कादायक प्रकार समोर आला आहे. याप्रकरणी शुक्रवारी १३ सप्टेंबर रोजी रात्री ८ वाजता रामानंदनगर पोलीस ठाण्यात २ जणांवर गुन्हा दाखल करण्यात आला आहे.
जळगाव शहरातील रुक्मिणीनगर परिसरातील एका भागात ३२ वर्षीय महिला ही आपल्या परिवारासह वास्तव्याला आहे. दरम्यान २०२१ पासून संशयित आरोपी प्रशांत सूर्यभान झाल्टे राहणार प्रेम नगर पिंप्राळा याने महिलेचे जवळीक साधून तिच्यासोबत प्रेम संबंध निर्माण केले. त्यानंतर लग्नाचे आमिष दाखवत तिच्यावर अत्याचार केला आणि नंतर लग्नाला नकार दिला. वेळोवेळी महिलेने लग्नासाठी विचार केला असता संशयित आरोपी प्रशांत सूर्यवंशी व त्याची आई विमलबाई सूर्यभान झाल्टे यांनी लग्नासाठी नकार दिला. दरम्यान महिलेने शुक्रवारी १३ सप्टेंबर रोजी रात्री ८ वाजता रामानंदनगर पोलीस ठाण्यात तक्रार दिली. त्यानुसार संशयित आरोपी प्रशांत सूर्यभान झाल्टेसह एका महिलेविरुद्ध रामानंदनगर पोलीस ठाण्यात गुन्हा दाखल करण्यात आला. आहे. या घटनेचा पुढील तपास सहायक पोलीस निरीक्षक विठ्ठल पाटील हे करीत आहे.
