जळगाव (प्रतिनिधी) शहरातील एका भागात राहणाऱ्या अल्पवयीन मुलीचे फोटो व्हाट्सअप स्टेटसला लावून बदनामी केली तसेच पीडित मुलीच्या आईला अश्लील शिवीगाळ करत धमकी दिल्याची घटना घडली होती. याप्रकरणी शनिपेठ पोलीस ठाण्यात एकावर गुन्हा दाखल करण्यात आला आहे.
जळगाव शहरातील एका भागात अल्पवयीन मुलगी ही आपल्या परिवारास वास्तव्याला आहे. दरम्यान संशयित आरोपी अक्षय पंढरीनाथ सपकाळे (वय-२७, रा.बांभोरी ता. धरणगाव) याने पीडित मुली सोबतचे असलेले फोटो व्हाट्सअपच्या स्टेटसला लावून समाजात बदनामी केली. तसेच पीडित मुलीच्या आईला फोन करून अश्लील शिवीगाळ करत धमकी दिल्याची घटना ९ ऑगस्ट रोजी सायंकाळी सात वाजता घडली. या संदर्भात पीडित मुलीच्या आईने बुधवारी १४ ऑगस्ट रोजी दुपारी ३ वाजता शनिपेठ पोलिसांनी तक्रार दिली. त्यानुसार संशयित आरोपी अक्षय सपकाळे यांच्या विरोधात शनिपेठ पोलीस ठाण्यात गुन्हा दाखल करण्यात आला. या घटनेचा पुढील तपास पोलीस उपनिरीक्षक रंगनाथ धारवाड हे करीत आहेत.
