जळगाव (प्रतिनिधी) दोन दुचाकीवर आलेल्या चौघांनी प्रौढाच्या गळ्यात टांगलेली ३२ हजार रुपयांसह धनादेश व दुकानाची बिले असलेली बॅग धुमस्टाईल लांबवल्याची खळबळजनक घटना शनिवारी रात्रीच्या सुमारास प्रतापनगर परिसरात घडली. याप्रकरणी जिल्हापेठ पोलीस ठाण्यात गुन्हा दाखल करण्यात आला आहे.
जळगाव तालुक्यातील असोदा गावात मकबुल शब्बीर पिंजारी (वय ४६) हे न वास्तव्यास असून ते गेल्या ३५ वर्षांपासून किशोर शांताराम राव यांच्या गरजपुर्ती स्टेशनरी व होलसेल दुकानातील ● वसुलीचे काम पाहत आहेत. त्यासाठी ते मालकाची (एमएच १९ एएच ६८८५) क्रमांकाची दुचाकी वापरतात. 1 दररोज सकाळी मकबुल हे किशोर राव यांच्या घरी जावून त्यांनो सोबत घेवून दुकानावर जातात. त्यानंतर दिवसभर मालाची वसुली केल्यानंतर रात्री ते वसुल झालेली रोकड आणि दुचाकी मालकाच्या घरी त्यांच्याकडे सुपुर्द करीत घरी निघून जातात. नेहमीप्रमाणे मकबुल पिंजारी यांनी शनिवारी दिवसभर दुकानाची वसुली केली.
वसुल केलेली सुमारे ३२ हजारांची रोकड आणि ग्राहकांनी दिलेले धनादेव व रिसीट बुक घेवून पिंजारी हे गोलाणी मार्केटमधून प्रतापनगरकडे मालकाच्या घरी जाण्यासाठी निघाले.
मालकाच्या घरी पोहचल्यानंतर ते दुचाकीवरुन खाली उतरत असतांना समोरुन दुचाकीवर दोन अज्ञात इसम त्यांच्याकडे आले. त्यांनी पिंजारी यांच्या गळ्यात अडकवलेली रोकड असेलेली बॅग खेचली. यावेळी पिंजारी यांनी बॅग घट्ट पकडून ठेवत जोरजोरात आरडाओरड केली. याचवेळी दुसरे दुचाकीस्वार दोन तरुण तेथे आले. ते देखील पिंजारी यांच्या हातातील बॅग जबरदस्तीने ओढून तेथून पसार झाले. पोलिसांनी घटनास्थळावरील सीसीटीव्ही फुटेजची तपासणी केली, मात्र रात्रीची वेळ असल्याने चोरटे त्यामध्ये अस्पषट कैद झाले आहे. याप्रकरणी पिंजारी यांनी दिलेल्या तक्रारीवरुन अज्ञात चोरट्यांविरुद्ध गुन्हा दाखल करण्यात आला आहे. पुढील तपास पोलीस उपनिरीक्षक शांताराम देशमुख हे करीत आहे.
