जामनेर (प्रतिनिधी) तालुक्यातील टाकरखेडा येथील एका शेतकऱ्याच्या घरात अज्ञात चोरट्यांनी जबरी घरफोडी करीत ६८ हजार रुपये लंपास केले आहे. या प्रकरणी जामनेर पोलिसात गुन्हा दाखल करण्यात आला आहे.
सविस्तर वृत्त असे कि, तालुक्यातील टाकरखेडा येथील रहिवासी शेतकरी अशोक नामदेव सुरळकर(वय ७२) यांच्या मालकीच्या घरात दि ३० ऑक्टोबर ते ३ नोव्हेबर दरम्यान अनोळखी इसमाने घराचे पत्रे वाकवीत घरात कपाटात ठेवलेले ६८ हजार रुपये लंपास केल्याची धक्कादायक घटना घडली आहे. या प्रकरणी जामनेर पोलिसात गुन्हा दाखल करण्यात आला आहे. पुढील तपास स.फौ.संजय पाटील हे करीत आहेत.
