जळगाव (प्रतिनिधी) पिंपरी-चिंचवड व पुण्यात लोकमान्य पावलेले दैनिक जनशक्ती व दैनिक लेवा शक्तीचे संपादक व सिद्धिविनायक ग्रुपचे संचालक कुंदन दत्तात्रय ढाके (वय ४२वर्षे) यांचे आज सकाळी हृदय विकाराच्या झटक्याने दुःखद निधन झाले. त्यांचा अंत्यविधी त्यांच्या मूळगावी होणार आहे.
कुंदन दत्तात्रय ढाके हे पुणे येथील ख्यातनाम सिद्धिविनायक ग्रुपचे संचालक होते. ख्यातनाम रियल इस्टेट डेव्हलपर म्हणून त्यांचा लौकिक होता. २०१४ साली दैनिक जनशक्तीच्या माध्यमातून त्यांनी मीडिया क्षेत्रात प्रवेश केला. आज सकाळी ते पिंपरी-चिंचवड येथे हे मॉर्निंग वॉकला गेले असताना चक्कर येऊन पडले. त्यांना रुग्णालयात दाखल केले असता त्यांना मृत घोषित करण्यात आले. कुंदन ढाके यांचे पार्थिव त्यांच्या भुसावळातील वेडिमाता मंदिराजवळच्या राहत्या घरी आणले जाणार आहे. भुसावळात त्यांच्या पार्थिवावर अंत्यसंस्कार करण्यात येणार आहेत.
