धरणगाव (प्रतिनिधी) येथे छत्रपती शिवाजी महाराजांच्या स्मारकाजवळ राजमाता जिजाऊ माँसाहेब यांची जयंती जिजाऊ ब्रिगेड धरणगाव च्या वतीने उत्साहात साजरी करण्यात आली.
जिजाऊ ब्रिगेड धरणगावच्या वतीने राजमाता जिजाऊंची जयंती अतिशय उत्साहात संपन्न झाली. कार्यक्रमाच्या सुरुवातीला माँसाहेब जिजाऊ, छत्रपती शिवाजी महाराज व सर्व बहुजन महापुरुषांच्या घोषणांनी परिसर दणाणून निघाला. यानंतर मनिषा अमृतकर यांनी आपल्या सुरेल आवाजात जिजाऊ वंदना सादर केली. जिजाऊ ब्रिगेडच्या शहराध्यक्षा वैशाली नितीन पवार यांनी कार्यक्रमाचे प्रास्ताविक केले. जिजाऊ ब्रिगेडच्या उपशहराध्यक्षा मनिषा पाटील यांनी माँसाहेब जिजाऊ यांच्याबद्दल मार्गदर्शन केले. त्यानंतर राजमाता जिजाऊ व छत्रपती शिवरायांच्या स्मारकाला लोकनियुक्त नगराध्यक्ष निलेश सुरेश चौधरी, सर्व सन्माननीय मान्यवर व सर्व महिला भगिनींच्या हस्ते पूजन करून माल्यार्पण करण्यात आले. कार्यक्रमाच्या आधी गावातील सर्व महापुरुषांच्या स्मारकांना जिजाऊ ब्रिगेडच्या महिला पदाधिकाऱ्यांच्या हस्ते पुष्पहार अर्पण करण्यात आले होते. यामध्ये तात्यासाहेब महात्मा ज्योतिबा फुले, लालबहादूर शास्त्री, भारतरत्न डॉ. बाबासाहेब आंबेडकर या सर्व महापुरुषांना माल्यार्पण करण्यात आले. गुरुकुल इंग्लिश मीडियम स्कूलची विद्यार्थिनी श्रावणी विशाल अमृतकर हिने शिवाजीचा पाळणा या गाण्यावर नृत्य केले. तसेच गुरुकुल स्कुलच्या गौरी सुधर्मा पाटील आणि दुर्वेश खलाने या विद्यार्थांनी जिजाऊंच्या बाबत मनोगत व्यक्त केले. प्रा. कविता महाजन, प्रा. नेत्रा पवार यांनी मासाहेब जिजाऊ माँसाहेब यांच्या कार्याची महती सांगितली.
कार्यक्रमाचे प्रमुख अतिथी म्हणून लोकनियुक्त नगराध्यक्ष निलेशभाऊ चौधरी, उपनगराध्यक्ष कल्पना महाजन, माळी समाजाचे उपाध्यक्ष योगराज माळी, गटनेते कैलास माळी, माजी नगराध्यक्षा उषाताई वाघ, अंजलीताई विसावे, नगरसेविका आराधना पाटील, संगीता मराठे, कीर्ती मराठे, सुरेखा महाजन, विलास महाजन, विकल्प ऑर्गनायझेशन धरणगाव चे अध्यक्ष प्रा. रविंद्र मराठे, कार्याध्यक्ष लक्ष्मण पाटील, पी. आय. हिरे साहेबांच्या धर्मपत्नी वैष्णवी हिरे, नीना पाटील, मालती पवार, किरण पाटील, मंगला पाटील, चारुशीला, मीना पाटील, संजीवनी पाटील, प्रीती भाटिया, माधुरी पाटील, ज्योती पाटील, मनीषा भिमराज पाटील, सुनिता पाटील यांच्यासह भाऊसाहेब किरण मराठे, विक्रम पाटील, दिनेश भदाणे, आबासाहेब वाघ, राहुल रोकडे, गोरख देशमुख, निलेश पवार, महेंद्र तायडे, बालू जाधव यांच्यासह गावातील नागरिक बंधू – भगिनी मोठ्या संख्येने उपस्थित होते.
कार्यक्रमाच्या यशस्वीतेसाठी जिजाऊ ब्रिगेडच्या सर्व महिला भगिनींनी आणि गुरुकुल इंग्लिश मीडियम स्कूलच्या सर्व स्टाफ मेम्बर्स यांनी परिश्रम घेतले. कार्यक्रमाचे सूत्रसंचालन वैशाली जैन यांनी केले तर आभार प्रदर्शन मनिषा पाटील यांनी केले.
