मुंबई (वृत्तसंस्था) एक पोलीस कर्मचारी प्रियांका गांधी यांच्या कपड्यांना पकडून खेचतानाचा फोटो सोशल मीडियावर व्हायरल झाले आहे. प्रियांका गांधी यांच्यासोबत उत्तर प्रदेशपोलिसांनी केलेल्या गैरवर्तनावरून राज्याचे गृहनिर्माण मंत्री जितेंद्र आव्हाड यांनी याची इतिहासात नोंद होईल आणि भविष्य माफ करणार नाही, अशा योगी सरकारवर टीका केली आहे.
प्रियंका गांधींचा हा फोटो व्हायरल झाल्यानंतर सोशल मीडियावर मोठ्या प्रमाणात योगी सरकार आणि उत्तर प्रदेश पोलिसांवर टीका करण्यात येत आहे. उत्तर प्रदेश पोलिसांच्या या गैरवर्तनावर जितेंद्र आव्हाड यांनी देखील निशाणा साधला आहे. जितेंद्र आव्हाड यांनी ट्विटरवर सोनिया गांधी यांचा फोटो शेअर करुन ‘याची इतिहासात नोंद होईल आणि भविष्य माफ करणार नाही’, अशी संतप्त प्रतिक्रिया दिली आहे. दुसरीकडे प्रियंका गांधींच्या या फोटोवरून शिवसेनेचे खासदार संजय राऊत यांनीही उत्तर प्रदेशच्या योगी सरकारवर हल्लाबोल केलाय. ‘योगीजींच्या राज्यात महिला पोलीस नाहीत का?’ असा सवाल संजय राऊत यांनी उपस्थित केला आहे.
