मुंबई (वृत्तसंस्था) अमृता फडणवीस यांचा शुक्रवार ९ एप्रिल रोजी वाढदिवस होता. यावेळी सेलिब्रेशन नंतर काढलेला एक फोटो त्यांनी ट्वीट केलाय. यात चेहऱ्याला केक लागल्याचे दिसत आहे. फोटो पोस्ट करत त्यांनी कॅप्शनमध्ये ‘सिर्फ कुछ दाग अच्छे लगते है’ असं लिहीलं आहे.
खरंतर अमृता फडणवीस यांचा ९ एप्रिलला वाढदिवस होता. या वाढदिवसानिमित्ताने त्यांना अनेकांनी शुभेच्छा दिला. याबद्दल त्यांनी सोशल मीडियावर सर्वांचे आभार मानले आहेत. अमृता यांनी त्यांच्या कुटुंबासोबत वाढदिवस साजरा केल्याची शक्यता आहे. कारण त्यांनी सेलिब्रेशनसी संबंधित फोटो शेअर केला आहे. या फोटोत त्यांच्या चेहऱ्यावर ठिकठिकाणी केकचे ठिपके ठेवलेले दिसत आहेत. हा फोटो त्यांनी त्यांच्या अधिकृत ट्विटर आणि फेसबुक या दोन्ही अकाउंटवर शेअर केला आहे. फोटो पोस्ट करत त्यांनी कॅप्शनमध्ये ‘सिर्फ कुछ दाग अच्छे लगते है…’ असं लिहीलं आहे. अशा आशयाचं ट्विट करत अमृता फडणवीस यांनी ठाकरे सरकारवर अप्रत्यक्षरित्या निशाणा साधला आहे. अमृता फडणवीस यांनी वाढदिवसाचा फोटो सोशल मीडियावर पोस्ट केला असला तरी दिलेल्या कॅप्शनची चर्चा मात्र जोरदार होत आहे.
अमृता फडणवीस यांचा ट्विटरवरुन उद्धव ठाकरेंवर निशाणा
अमृता फडणवीस ट्विटरवर वारंवार शिवसेना आणि महाविकास आघाडी सरकारवर निशाणा साधतात. दोन दिवसांपूर्वी राज्यात रेमडेसिव्हीर इंजेक्शन आणि कोरोना प्रतिबंधक लसींचा तुटवडा यावरुन राजकीय वातावरण पेटलेलं असताना अमृता यांनी मुख्यमंत्री उद्धव ठाकरे यांच्यावर नाव न घेता हिंदीत निशाणा साधला होता. “पहचान कौन? एक राजा जो- महल की चौखट से निकलता नही अवाम से कभी मिलता नही सत्य और कर्म की राह पर चलता नही वसूली के बिन उसका पत्त्ता हिलता नही महामारी का कहर उससे सम्हलता नही प्रगति का फूल उसकी छाया में खिलता नही ! सच है, धोखा कभी फलता नही। क्या आपका खून ऐसे राजा को देख खौलता नही?”, असं ट्वीट अमृता फडणवीस यांनी केलं होतं.
