जळगाव (प्रतिनिधी) – शहरातील धांडे नगरातील गौरी शंकर मंदिरात चोरट्यांनी भर दिवसा डल्ला मारला. दोन अल्पवयीन मुलींनी लोखंडी रॉडच्या सहाय्याने दानपेटी फोडून त्यातील चिल्लर चोरुन नेली. ही घटना दि. ८ ऑगस्ट रोजी सकाळच्या सुमारास उघडकीस आली. याठिकाणी पोलिसांनी धाव घेतली, मात्र तक्रार नसल्याने पोलिसात गुन्हा दाखल झालेला नव्हता.
शहरातील धांडेनगर, श्रद्धा कॉलनी परिसरात गौरीशंकर महादेव मंदिर आहे. या मंदिरात दि. ८ ऑगस्ट रोजी सकाळच्या सुमारास दोन अल्पवयीन मुलींनी प्रवेश केला. मंदिरात दर्शनासाठी आल्याचे भासवत त्या मुलींपैकी एक मुलगी बाहेरुन येणाऱ्या-जाणाऱ्यांकडे रेकी करीत होती. तर दुसऱ्या मुलीने सोबत आणलेल्या लोखंडी रॉड सारख्या वस्तून दानपेटी फोडली. त्यानंतर दोघ मुलींनी त्या दानपेटीतील रोकड चोरुन तेथून पसार झाला. या घटनेची माहिती रामानंद नगर पोलिसांना मिळाली. त्यानुसार दोन पोलीस अंमलदार हे घटनास्थळी देखील झाले होते.
सीसीटीव्ही फुटेजमध्ये चोरीची घटना कैद
मंदिरात चोरी करतांनाची संपुर्ण घटन मंदिरात बसविलेल्या सीसीटीव्ही कॅमेऱ्यान कैद झाली आहे. यामध्ये दोन मुली चोर करतांना आढळून येत आहे. दरम्यान है फुटेजवरुन संशयित चोरी करणाऱ्या मुल निष्पन्न होत असतांना देखील पोलिसांकडून याप्रकरणी कुठलाही गुन्हा दाखल करण्यान आलेला नव्हता.
