जळगाव (प्रतिनिधी) येथील जोशी प्लाझा सभागृहात संपन्न झालेल्या एका भव्य-नेटक्या कार्यक्रमात जिल्हयातील १५ गुणवंत शिक्षकांना कुबेर शिक्षक पुरस्काराने सन्मानित करण्यात आले. यात धरणगावातील तिघांचा समावेश होता.
सोशल मिडीया सारख्या आभासी माध्यमांच्या जगात कुबेर फेसबुक गृपने वैश्विव नात्याचा बंध निर्माण केला आहे. “तू कुबेर-मी कुबेर” या ब्रीद वाक्यासह कुबेरचे सदस्य साहित्य, कला, क्रिडा, शिक्षण आणि सामाजिक कार्यात भरीव कामगिरी करीत असल्याचे प्रतिपादन कुबेर समुहाचे जळगाव जिल्हा समन्वयक प्रा.बी.एन.चौधरी यांनी केले. समुहाच्यावतीने जिल्हा स्तरीय कुबेर शिक्षक सन्मान वितरण प्रसंगी ते बोलत होते. येथील जोशी प्लाझा सभागृहात संपन्न झालेल्या एका भव्य-नेटक्या कार्यक्रमात जिल्हयातील १५ गुणवंत शिक्षकांना कुबेर शिक्षक पुरस्काराने सन्मानित करण्यात आले. यात धरणगावातील तिघांचा समावेश होता.
पी.आर.हायस्कूलचे एन. सी. सी. विभाग प्रमुख मेजर डी. एस. पाटील यांनी एन. सी. सी. साठी दिलेल्या विशेष योगदानासाठी. पिंपळे बु. येथील प्राथमिक शिक्षक कैलास पवार यांनी ग्रामीण भागातील शाळा विकासाची देलेल्या योगदानाबद्दल तर पी.आर.हायस्कूलचे क्रिडा शिक्षक यांच्या क्रिडा क्षेत्रातील भरीव योगदानासाठी त्यांना कुबेर शिक्षक सन्मान देवून गौरविण्यात आले. या प्रसंगी कुबेर समुहाचे जिल्हा समन्वयक प्रा.बी.एन.चौधरी, निलेश भांडारकर आणि रेखा पाटील यांची प्रमुख उपस्थिती होती. या पुरस्काराने आम्हाला पुढील कार्यासाठी बळ मिळेल, अशा भावना पुरस्कारार्थी शिक्षकांनी व्यक्त केल्या. कार्यक्रमाचे सूत्रसंचालन अपूर्वा वाणी यांनी तर आभार प्रदर्शन रचना भांडारकर यांनी केले. कार्यक्रमाच्या यशस्वीतेसाठी जळगाव विभागातील कुबेरकरांनी परीश्रम घेतले.
