जळगाव (प्रतिनिधी) नागरिकांसाठी राबविण्यात येणाऱ्या विविध योजनांचे मार्गदर्शन करण्यासाठी जिल्हा विधी सेवा प्राधिकरणातर्फे आज महापालिकेत कर्मचाऱ्यांसाठी कायदे विषयक शिबिराचे आयोजन करण्यात आले.
या कार्यक्रमाला प्रमुख अतिथी म्हणून जिल्हा व सत्र न्यायाधिश डी. एन. खडसे, महापालिका आयुक्त सतीश कुलकर्णी, उपायुक्त गोसावी, जिल्हा सहकारी वकील ऍड. केतन ढाके यांची उपस्थिती होती.
याप्रसंगी जिल्हा विधी प्राधिकरणाचे सचिव ए. ए. के. शेख, जिल्हा वकील संघाचे अध्यक्ष दिलीप बोरसे, अँड. निलेश चौधरी आणि विजय दर्जी यांनी विविध कायद्यांबाबत मार्गदर्शन केले. नागरिकांनी विधी सेवा प्राधिकरणाच्या विविध योजनांना जनतेपर्यंत पोहचवण्याचे आवाहन देखील त्यांनी केले. याप्रसंगी महापालिकेतील सर्व कर्मचाऱ्यांची उपस्थिती होती.
