जळगाव (प्रतिनिधी) शहरातील इच्छादेवी चौक स्टॉपजवळ तु दोन तीन दिवस माझ्या सोबत कुठे तरी फिरायला चल, असं बोलून २९ वर्षीय तरुणीचा विनयभंग केल्याचा धक्कादायक प्रकार घडला आहे. याप्रकरणी रामानंद नगर पोलीस ठाण्यात चंद्रकांत संतोष पाटील (वय ५५ रा. बिबानगर धरणगाव) याच्याविरुद्ध गुन्हा दाखल करण्यात आला आहे.
यासंदर्भात अधिक असे की, दि. १८ मार्च २०२२ रोजी जळगाव शहरातील इच्छादेवी चौक स्टॉप जवळ चंद्रकांत संतोष पाटील (वय ५५ रा. बिबानगर, धरणगाव रोड) याने २९ वर्षीय तरुणीचा हात धरून “तु दोन तीन दिवस माझ्या सोबत कुठे तरी फिरायला चल” असे बोलुन मनास लज्जा उत्पन्न केली. याप्रकरणी पीडित तरुणीच्या फिर्यादीवरून याप्रकरणी रामानंद नगर पोलीस ठाण्यात चंद्रकांत संतोष पाटील याच्याविरुद्ध गुन्हा दाखल करण्यात आला आहे. तसेच पुढील तपास पोहेका अजित पाटील करीत आहेत.