नवी दिल्ली (वृत्तसंस्था) जर तुम्ही एखादा लहान व्यवसाय करत असाल तर तुम्हाला बँकेकडे कर्ज मागण्यासाठी जाण्याची गरज नाही. तुम्ही सोशल मीडियासारख्या वापराने तुमचा व्यवसाय वाढवू शकता. तुम्ही फेसबुककडून देखील ५० लाखांपर्यंतचे कर्ज काढू शकता.
Facebook ने Small Business Loans Initiative सुरू केलं आहे. त्यासाठी Indifi सह पार्टनरशिप केली आहे. फेसबुकने आधी लोन सर्विस केवळ २०० शहरांत सुरू केली होती आणि आता ही सर्विस ३२९ शहरांपर्यंत वाढवली आहे. लोन घेण्यासाठी कोणतीही प्रोसेसिंग फीस घेतली जाणार नाही. लोन घेण्यासाठी ऑनलाइन अर्ज करावा लागेल.
तुम्हाला किती लोन मिळेल ?
फेसबुक किंवा मेटा स्वतः लोन देत नाही तर हे लोन Indifi ही कंपनी देते. याद्वारे तुम्हाला २ लाख ते ५० लाख रुपयांपर्यंतचे लोन मिळू शकते. या लोनसाठी तुम्हाला काहीही गहाण ठेवण्याची गरज नाही. मात्र या लोनवर तुम्हांला १७ ते २० टक्के वार्षिक व्याज भरावे लागेल. महिला उद्योजकांना व्याजदरात ०.२% सूट मिळेल. एकदा तुमचे लोन मंजूर झाल्यानंतर, तुम्हाला फक्त एका दिवसात कन्फर्मेशन मिळेल. उर्वरित कागदपत्रे फक्त ३ दिवसात पूर्ण केली जातील.
लोन कोण-कोण घेऊ शकेल ?
या लोनसाठी फेसबुकने दोन अटी ठेवल्या आहेत. पहिली गोष्ट म्हणजे या लोनसाठी अर्ज करणाऱ्या व्यक्तीचा व्यवसाय त्याच्या सर्व्हिस नेटवर्कसह भारतीय शहरात असावा. दुसरी अट म्हणजे तुम्ही मेटा किंवा फेसबुकशी संबंधित कोणत्याही अॅपशी किमान गेल्या 6 महिन्यांपासून कनेक्ट असला पाहिजे आणि तुमच्या व्यवसायाची जाहिरात केली पाहिजे. या कार्यक्रमांतर्गत फक्त लहान उद्योजकांनाच लोन मिळणार आहे.
Facebook ने Small Business Loans Initiative सुरू केला आहे. यासाठी त्यांनी Indifi सोबत पार्टनरशिप केली आहे. यापूर्वी फेसबुकने केवळ २०० शहरांमध्ये लोन सर्व्हिस सुरू केली होती आणि आता ती ३२९ शहरांमध्ये विस्तारली आहे. कर्ज घेण्यासाठी कोणतीही प्रोसेसिंग फी आकारली जात नाही. या लोनसाठी तुम्हाला ऑनलाइन अर्ज करावा लागेल.
अशा प्रकारे अर्ज करा
लोनसाठी तुम्हाला ऑनलाइन अर्ज करावा लागेल. यासाठी तुम्हाला Facebook Small Business Loans Initiative पेजवर जावे लागेल. तुम्ही Apply Now वर क्लिक केल्यावर तुमच्या समोर एक फॉर्म उघडेल. यावर तुम्हाला तुमच्या व्यवसायाशी संबंधित आणखी काही वैयक्तिक माहिती द्यावी लागेल. मागितलेली सर्व माहिती भरून ती सादर करावी लागेल. तुम्ही लोनसाठी पात्र असल्याचे समजल्यास, कंपनी तुमच्याशी संपर्क करेल.
