धरणगाव (प्रतिनिधी) दि. २९ डिसेंबर रोजी श्री आदिनाथ दिगंबर जैन मंदिरात मानस्तंभावर भगवान आदिनाथांच्या चौमुखी प्रतिमेवर सकाळी ७.३० वाजता अभिषेक करण्यात आला. तिथे शांतिमंत्र म्हणण्यात आला. व त्या अभिषेकाचा मान प्रा.अरविंद जैन यांना मिळाला. तसेच शांतीविधान पूजा करण्यात आली.
नंतर ९.०० वा. भगवान शांतीनाथांची प्रतिमा डोक्यावर नेऊन भव्य मिरवणुकीद्वारे, श्री १००८ भ. आदिनाथ दिगंबर जैन धर्मसंस्कृती केंद्र (गांधीमळ्यात) येथे नेण्यात आली. तसेच तिथे भव्य पांडुकशीलेवर विराजमान करण्यात आली. याचा मान प्रिंतेश जैन, कापडणा यांना मिळाला. गांधी मळ्यात भव्य असे मंडप टाकण्यात आले होते, महिलांनी व मुलींनी ठीक ठिकाणी रांगोळ्या काढल्या होत्या. सुरवातीला ध्वजारोहण करण्यात आले. याचा मान रवींद्र जैन व निर्मला जैन यांना मिळाला. येथे पण ११ कळसांचा अभिषेक करण्यात आला. नंतर ११ ते २ पर्यंत ‘शांतीविधान’ पूजा करण्यात आली. अनेक इंद्र-इंद्रायणीनी या पूजेत सहभाग घेतला होता. सदर पूजा शिखरचंद मोतुळे यांच्या सानिध्यात पार पडली. नंतर ‘महाप्रसादाचे’ आयोजन करण्यात आले होते.
कार्यक्रमाचे सूत्रसंचालन ट्रस्टचे अध्यक्ष राहुल जैन व प्रतीक जैन (उपाध्यक्ष) यांनी केले. कार्यक्रम यशस्वी करण्यासाठी संजीव जैन, शैलेंद्र जैन, श्रेयान्स जैन, उदय डहाळे व सावन जैन, यांचे मोलाचे सहकार्य लाभले.
