जळगाव (प्रतिनिधी) घर बांधण्यासाठी माहेरुन एक लाख रुपये आण असा तगादा लावून सावखेडा शिवारातील शिवबा येथील विवाहीतेचा छळ केल्याप्रकरणी चौघांविरुद्ध गुन्हा तालूका पोलीस ठाण्यात दाखल करण्यात आला आहे.
सावखेडा (ता.जळगाव) शिवारातील शिवबा नगरातील विवाहीता प्रतिभा रामनंदन पाल (वय २४) यांनी दिलेल्या तक्रारीत नमुद केल्या प्रमाणे, पिडीतेचा विवाह भांडूप (मुंबई) येथील रामानंद गिरधारी पाल यांच्या सोबत (वर्ष २०१९) मध्ये झाला आहे. लग्नानंतर चार-पाच महिन्यांनी पती व सासरच्या मंडळींनी विवाहीतेच छळण्यास सुरुवात केली. घर बांधण्यासाठी माहेरुन १ लाख रुपये आणावे यासाठी पती रामानंद पाल, नणंद-किरण पाल, सुमन पाल, नंदलाल गिरधारी पाल अशा चौघांविरुद्ध गुन्ह्याची नोंद करण्यात आली. पुढील तपास पोलीस नाईक उमेश ठाकरे करत आहेत.
