विटा (वृत्तसंस्था) सांगली (Sangli) जिल्ह्यातील विटा येथील शाहूनगर येथील एका २६ वर्षीय विवाहितेने आपल्या दोन चिमुरड्यासह विहिरीत उडी टाकून आत्महत्या (Suicide) केल्याची धक्कादायक घटना घडली. सोनाली बिहुदेव हात्तेकर (Sonali Bihudev Hattekar) असे या आत्महत्या केलेल्या दुर्दैवी विवाहितेचे नाव आहे. सोनालीने चार वर्षाची मुलगी आरोही व एक महिन्याच्या बाळाला घेऊन विहिरीत उडी टाकून आपली जीवनयात्रा संपविली.
सोनाली बिहुदेव हत्तेकर असं आत्महत्या करणाऱ्या २६ वर्षीय विवाहित महिलेचं नाव आहे. त्या विटा येथील शाहूनगर परिसरातील रहिवासी आहेत. मृत सोनाली यांनी आपली चार वर्षांची मुलगी आरोही आणि एक महिन्याच्या मुलासह विहिरीत उडी मारली आहे. या दुर्दैवी घटनेच तिघांचाही नाकातोंडात पाणी शिरून मृत्यू झाला आहे.
पोलिसांनी दिलेल्या माहितीनुसार, मृत सोनाली हत्तेकर या शाहूनगर परिसरातील नगरपालिका शाळा क्र. १३ परिसरात आपल्या कुटुंबासोबत वास्तव्याला होत्या. घटनेच्या दिवशी सोमवारी सकाळी सोनाली आपल्या दोन्ही मुलांसह घरातून बाहेर पडल्या होत्या. दोन्ही मुलं आणि सोनाली घरातून गायब झाल्यानं कुटुंबीयांनी तिघांची सर्वत्र शोधाशोध सुरू केली. पण त्यांचा काहीही थांगपत्ता लागला नाही. त्यानंतर दुपारी दीडच्या सुमारास नेवरी रस्त्यावरील शिवाजीनगर येथील राजेंद्र शितोळे यांच्या विहिरीत तिघांचेही मृतदेह आढळले आहेत.
हा धक्कादायक प्रकार उघडकीस येताच शितोळे यांनी या घटनेची माहिती पोलिसांना दिली. यानंतर पोलिसांनी घटनास्थळी धाव घेत घटनेचा पंचनामा केला. संबंधित विवाहितेनं आपल्या मुलांसह नेमक्या कोणत्या कारणातून आत्महत्या केली, याची कोणतीही माहिती अद्याप समोर आली नाही. किरकोळ कौटुंबीक वादातून ही आत्महत्या केली असावी, असा संशय पोलिसांना आहे. या घटनेचा पुढील तपास पोलीस करत आहेत.
