मुंबई (वृत्तसंस्था) उपमुख्यमंत्री देवेंद्र फडणवीस यांनी आज शिवतीर्थावर जात राज ठाकरेंची भेट घेतली. यावेळी दोघांमध्ये तब्बल दीड तास चर्चा झाली. दोघांनी काही वेळ अँटिचेंबरमध्येही चर्चा केली. यावेळी मनसे आणि भाजप नेतेही उपस्थित होते.
देवेंद्र फडणवीस आणि राज ठाकरेंची भेट गुरूपौर्णिमेदिवशीच त्यांची भेट होणार होती . मात्र पावसामुळे ही भेट होऊ शकली नाही. अशात आज दोघांचा भेट झाली. शिवाजी पार्क येथील शिवतीर्थ या राज ठाकरेंच्या निवासस्थानी जाऊन फडणवीसांनी राज ठाकरेंची भेट घेतली. तब्बल तासभर दोघांमध्ये चर्चा झाली. दरम्यान, राज ठाकरे यांच्यावर झालेल्या शस्त्रक्रियेनंतर त्यांच्या तब्येतीची विचारपूस करण्यासाठी शिवतीर्थवर ही भेट घेतल्यचं भाजपकडून सांगण्यात आलं आहे. मात्र या दोघांच्या भेटीत आगामी पालिका निवडणुकीबाबत खलबतं झाल्याच्या चर्चा राजकीय वर्तुळात रंगल्या आहेत. विधानसभा अध्यक्षपदाच्या निवडणुकीमध्ये शिंदे गट आणि भाजपाचे सर्व आमदार भाजपा उमेदवार राहुल नार्वेकर यांच्या पाठिशी उभे राहिले होते. यावेळी मनसेचे एकमेव आमदार राजू पाटील यांनी भाजपाच्याच उमेदवाराला आपलं मत दिलं. यामुळे देखील भाजपा-मनसे एकत्र येण्याच्या चर्चांना अधिकच बळ मिळालं होते.
