जळगाव (प्रतिनिधी) जिल्हा परिषद व पंचायत समितीच्या आरक्षण सोडतीसाठी १३ जुलै रोजी विशेष सभा आयोजित करण्यात आली आहे. या सभेत जिल्हा परिषदेच्या ७७ गट व पंचायत समितीच्या १५४ गणांसाठी अारक्षण साेडत काढण्यात येणार अाहे. दरम्यान, आरक्षणानंतर कुणाला लाभ मिळतो, तर कुणाला फटका बसतो, याची उत्सुकता आहे.
बुधवारी दुपारी ४ जिल्हा परिषदेसाठी जिल्हा नियोजन भवन येथे तर पंचायत समितींसाठी त्या-त्या तालुक्यात सकाळी ११ वाजता राखीव जागा सोडत पध्दतीने जागा निश्चित करण्यात येणार असल्याचे जिल्हाधिकारी अभिजित राऊत यांनी सांगितले. जिल्हा परिषद व पंचायत समितींच्या जागांच्या आरक्षणाची पध्दत व चक्रानुक्रम नियमानुसार निवडणूक विभाग, निर्वाचक गण प्रसिध्द करण्यापूर्वी ही सभा घेण्यात येत आहे. यात अनुसूचित जाती, अनुसूचित जमाती, सर्वसाधारण (महिला) त्यामधील महिलांसाठी राखून ठेवावयाच्या जागा निश्चित करण्यात येणार आहेत. आरक्षण सोडतीकडे जिल्ह्यातील इच्छुकांचे लक्ष लागले आहे.
याठिकाणी होईल आरक्षण सोडतचा कार्यक्रम
जळगाव : सर्व ७७ जिल्हा परिषद गट, नियोजन भवन, जळगाव तालुका गण : पंचायत समिती सभागृह, एरंडोल : डीडीएसपी कॉलेज म्हसावद रोड, धरणगाव : प्रशासकीय तहसील कार्यालय, जामनेर : पंचायत समिती सभागृह, भुसावळ : पंचायत समिती सभागृह, बोदवड : तहसील कार्यालय, रावेर : तहसील कार्यालय, यावल : तहसील कार्यालय, पाचोरा : अल्पबचत सभागृह भडगाव राेड, चाळीसगाव : सिद्धिविनायक हॉल, करगाव रोड, भडगाव : पंचायत समिती सभागृह, अमळनेर : इंदिरा भवन स्टेट बँकेच्या मागे, पारोळा : नवीन प्रशासकीय इमारत, कासोदा रोड, चोपडा : पंचायत समिती सभागृह.
