धरणगाव (प्रतिनिधी) येथील प्रियदर्शनी महिला सहकारी पतसंस्था मर्यादीत यांच्याकडे स्वप्निल ईश्वरलाल जैन यांना मानसिक व आर्थिक त्रासापोटी रक्कम रूपये १० हजार व नुकसान भरपाई म्हणून ५ हजार देण्यात यावे, असे आदेश जिल्हा ग्राहक तक्रार निवारण आयोगाने नुकतेच देण्यात आले आहेत.
सविस्तर बातमी अशी की, धरणगाव प्रियदर्शनी महिला सहकारी पतसंस्था मर्यादीत धरणगाव यांच्याकडे स्वप्निल ईश्वरलाल जैन यांनी दि. १७ सप्टेंबर २०१४ रोजी १३ महिन्याभरासाठी ८०,०००/रूपये मात्र महालक्षमी मुदत ठेव योजना नुसार रक्कम जमा केली होती. परंतु, सदर देय तारीखे नुसार बँकेकडील मागणी केली असता त्यांनी वेळोवेळी उडवाउडवीची उत्तरे देऊन व पैसे देण्यास टाळाटाळ करून सदर बँकेने रक्कम देण्यास नकार दिला होता. म्हणून जैन यांनी दि. ८ फेब्रुवारी २०१९ रोजी जिल्हा ग्राहक तक्रार निवारण आयोग जळगाव यांच्याकडे तक्रार दाखल केली होती. त्या अनुषंगाने दि. २२ डिसेंबर २०२१ जिल्हा ग्राहक तक्रार निवारण आयोग जळगाव यांचे मुख्य न्यायमूर्ती मती पूनम नि.मलीक प्रभारी अध्यक्षा/सदस्या व सुरेश मो.जाधव सदस्य यांनी प्रियदर्शनी महिला सहकारी पतसंस्था मर्यादित धरणगाव यांचे संचालक बॉडी ला आदेश दिले की, स्वप्निल जैन यांना २ मध्ये नमूद दिनांक पासून एकत्रित रक्कमेवर द.सा.द.शे. ९ टक्के व्याजासह संपुर्ण रक्कम अदा होई पावेतो देण्यात यावे व क्र १,३ ते १३ यांना वैयक्तिक अथवा संयुक्तीकरीता यांना असेही निर्देशित केले की यास मानसिक व आर्थिक त्रासापोटी रक्कम रूपये १०,०००/व नुकसान भरपाई म्हणून ५०००/देण्यात यावे असे आदेश पारित केले असून गावातील ठेवीदारांनी स्वप्नील जैन यांचे अभिनंदन केले व जैन यांनी ग्राहक मंच आयोगाचे आभार व्यक्त केले.
