चाळीसगाव ( प्रतिनिधी ) – भावाचा मित्र म्हणून घरी येणाऱ्या व नात्याने चुलत काका असणाऱ्या तरूणाने मित्राच्याच अल्पवयीन बहिणीला मैत्री करण्यास भाग पाडून तिच्यावर बळजबरीने अत्याचार केला. तसेच पीडितेचे आक्षेपार्ह फोटो इंस्टाग्रामवर व्हायरल केल्याचा खळबळजनक प्रकार चाळीसगाव तालुक्यातील एका गावात घडला. याप्रकरणी चाळीसगाव ग्रामीण पोलीस स्टेशनला तरुणाच्या विरोधात गुन्हा दाखल करण्यात आला आहे. चाळीसगाव तालुक्यातील सोळा वर्षीय अल्पवयीन मुलगी वास्तव्यास आहे. संशयित हा मुलीच्या भावाचा मित्र असून तो नात्याने त्यांचा चुलत काका लागतो. संशयित हा नेहमी मित्राच्या घरी येत होता. त्याचाच फायदा घेऊन तालुक्यातील एका धार्मीक स्थळावर मोबाईलवर फोटो काढला होता. या फोटोच्या या तरुणाने आधारे हा तरूण या मुलीला माझ्याशी मैत्री कर अन्यथा तुझे आणि माझे काढलेले फोटो व्हायरल कारण्याची धमकी दिली. त्यामुळे ही तरुणी घाबरून गेली, याचा फायदा घेऊन संशयिताने पीडितेचे आक्षेपार्ह व्हिीडीओ काढून तिच्याशी बळजबरीने शारीरीक संबंध ठेवले. तसेच कुणाला काही सांगितले तर फोटो व्हायरल करण्याची धमकी दिली. तसेच इंस्टाग्रामवर पीडित तरुणीचे आक्षेपार्ह फोटो व्हायरल केले. या प्रकरणामुळे बदनामी झाल्याने तरुणीने पोलीस ठाण्यात धाव घेतली. याप्रकरणी पीडितेच्या फिर्यादीवरून संशयितांविरुद्ध चाळीसगाव ग्रामीण पोलीस स्टेशनला गुन्हा दाखल करण्यात आला आहे.
