चाळीसगाव (प्रतिनिधी) लहान मुलांच्या खेळण्यावरुन झालेल्या किरकोळ वादाच्या कारणावरून एका ३० वर्षीय महिलेवर हल्ला करून तिचा विनयभंग केल्याची घटना समोर आली आहे. एवढेच नाही तर पीडित महिलेच्या पती आणि सासूला देखील मारहाण करण्यात आली. याप्रकरणी चाळीसगाव पोलीस स्थानकात चौघांविरुद्ध गुन्हा दाखल करण्यात आला आहे.
यासंदर्भात अधिक असे की, दि. ३० मे २०२२ रोजी विशाल दिलीप शेलार, सुवर्णा विशाल शेलार, लताबाई दिलीप शेलार, सुशील दिलीप शेलार यांनी संगनमताने पीडित ३० वर्षीय महिला व विशाल शेलार यांची लहान मुलांच्या खेळण्याच्या कारणावरून झालेल्या किरकोळ वाद झाला. याच कारणावरुन विशाल शेलार, सुशिल शेलार, सुवर्णा शेलार, लताबाई शेलार यांनी मिळुन महिलेवर हल्ला केला. तसेच साडी व ब्लाऊजची ओढताण करुन मनास लज्जा उत्पन्न होईल असे कृत्य करुन महिलेच्या केसांची देखील ओढताण केली. दरम्यान महिलेचे पति व सासू हे सोडविण्यास आले असता त्यांना देखील हात चापटांनी व लाथाबुक्यांनी मारहाण केली. तसेच महिलेच्या सासूला ढकलून शिवीगाळ करुन धमकी दिली. याप्रकरणी चाळीसगाव पोलीस स्थानकात चौघांविरुद्ध गुन्हा दाखल करण्यात आला असून पुढील तपास पोहेकाँ दिपक देविदास ठाकूर हे करीत आहेत.
