मुक्ताईनगर (प्रतिनिधी) तालुक्यातील एका गावातील मतिमंद मुलीवर नात्यातीलच व्यक्तीने बलात्कार केल्याची संतापजनक घटना समोर आलीय.
यासंदर्भात अधिक असे की, मुक्ताईनगर तालुक्यातील एका गावामध्ये पिडीत मुलगी आई-वडिलांसह वास्तव्यास आहे. दि. 9 रोजी दुपारी दोन वाजता मतिमंद मुलीचे आई-वडील शेतात गेले होते. हीच संधी साधून नात्यातील एका नराधमने मतिमंद मुलीला शेजारच्या घरात जबरदस्तीने नेत बलात्कार केला. घटनेनंतर तो पसार झाला. मुलीच्या आई वडील शेतातून घरी आल्यानंतर मुलीने इशारा करून सर्व हकीकत सांगितले.अखेर पोलीस स्टेशन गाठत रात्री दीड वाजेच्या सुमारास गुन्हा दाखल करण्यात आला. गुन्हा दाखल होताच मुक्ताईनगर पोलिसांनी रात्री साडेतीन वाजेला नराधम आरोपीला ताब्यात घेतले. आरोपीविरुद्ध भादवी कलम 376, 376 (2)( एल ),376 ( 2)( जे) प्रमाणे गुन्हा दाखल करण्यात आला आहे असून पुढील तपास पोलीस उपनिरीक्षक आर.पी. बोरकर हे करत आहेत.
