नाशिक (वृत्तसंस्था) शेतात कामाला जाण्यास सांगितल्याचा राग आल्याने फावड्याने जन्मदात्या पित्याच्या डोक्यावर वार करून मुलाने खून केल्याचा धक्कादायक प्रकार दिंडोरी तालुक्यातील निगडोळ येथे उघडकीस आली आहे साहेबराव मुरलीधर मालसाने (५५), असे मयताचे नाव आहे. याप्रकरणी दिंडोरी पोलिसात खुनाचा गुन्हा दाखल करण्यात आला असून संशयित आरोपी फरार झाला आहे.
तालुक्यातील निगडोळ येथील साहेबराव मुरलीधर मालसाने (५५) यांनी त्यांचा मुलगा पप्पू उर्फ हिरामण साहेबराव मालसाने याला शेतात काम करायला जाण्यास सांगितले. त्याचा राग हिरामण याला आला. त्याने संतापाच्या भरात वडील साहेबराव मालसाने यांच्या डोक्यात तसेच शरीरावर फावड्याने वार करून त्यांना गंभीर जखमी केले.
साहेबराव मालसाणे अनपेक्षित झालेल्या हल्ल्यामुळे साहेबराव हे जागेवरच कोसळले. या घटनेत त्यांचा मृत्यू झाला. लहान मुलगा गोरख याने फिर्याद दिली असून पोलिसांनी हिरामण मालसानेविरोधात खुनाचा गुन्हा दाखल केला. तर उपविभागीय पोलिस अधिकारी सूर्यवंशी यांच्या मार्गदर्शनाखाली पोलिस निरीक्षक प्रमोद वाघ व उपनिरीक्षक मोनिका जेजोट पुढील तपास करत आहेत. घटना घडल्यानंतर संशयित पप्पू मालसाने हा फरार झाला असून पोलिस त्याचा शोध घेत आहेत. दरम्यान, शेतात कामाला जाण्यास सांगितल्याच्या किरकोळ कारणातून मुलाने वडिलांचा खून केल्यामुळे समाज मन सुन्न झाले असून परिसरातील नागरिकांनी मोठा धक्का बसला आहे.
