धरणगाव (दीपक भदाणे) राजकीय नेत्यांकडे हौसे, गवसे, नवसे यांच्यासह सुखावलेले, दुखावलेले अगदी निर्ढावलेले श्रेणीतील कार्यकर्ते असतात. पण असं म्हटलं जाते की, निष्ठावान कार्यकर्ता मोजूनही सापडत नाही, मग पक्ष आणि नेता कोणताही असू द्या. परंतू काही कार्यकर्ते नेत्यांसह सर्वसामान्य माणसांच्या मनातही घर करत असतात. असचं उदाहरण द्यायचं म्हटलं तर, पालकमंत्री गुलाबराव पाटील यांचे स्वीय सहाय्यक नवलसिंगराजे पाटील यांच्या बाबतीत देता येईल.
राजकारणात व्यक्तीपेक्षा पक्ष महत्वाचा असतो. याच पद्धतीने सच्च्या कार्यकर्त्यापेक्षा समर्पित कार्यकर्त्याला नेते देखील जीवाभावाचा मानतात. पक्षाच्या वाढीला, पक्षसंघटनेला बळ देण्याचं काम कार्यकर्त्यांनी केलं पाहिजे. त्याच पद्धतीने आपल्या नेत्याप्रती एकनिष्ठ असेलल्या समर्पित कार्यकर्त्याने नेत्याच्या अनुपस्थित सर्वसामान्य माणसाला न्याय देण्याचं काम केलं पाहिजे. गुलाबराव पाटील यांचे स्वीय सहाय्यक नवलसिंगराजे पाटील यांचा उपक्रम गुलाबभाऊंच्या गैरहजेरीत असाच काहीसा असतो. गुलाबभाऊ मतदार संघात नसले तरी नवलभाऊ त्यांची अनुपस्थित कुणालाही जाणवू देत नाहीत.
गुलाबभाऊंचे अनेक उपक्रम मतदार संघात कायमच सुरु असतात. परंतू अनेकदा मंत्रीपदाच्या जबाबदारीमुळे त्यांना मुंबईसह राज्यभरात फिरावे लागते. मग या काळात नवलभाऊ प्रत्येक उपक्रम व्यवस्थित सुरु आहे की नाही?, याची स्वतः माहिती घेत असतात. बऱ्याचदा ते कार्यक्रम स्थळी हजेरी लावतात. नुकताच वडनगरी येथे प्रदीपजी मिश्रा यांचे शिवपुराण कथेत येणाऱ्या भाविकांची गैरसोय होऊ नये म्हणून नवलभाऊने दररोज आढावा घेत होते.
अगदी मतदार संघातील कोणत्याही व्यक्तीचा फोन आला असेल तर प्रत्येकाचा निरोप पालकमंत्र्यांपर्यंत पोहोचवण्याच कामही नवलभाऊ करत असतात. अगदी पालकमंत्र्यांच्या राजकीय विरोधकांना देखील सन्मानाने वागणूक देत असतात. त्याच्या याच गोड स्वभावामुळे दोडे गुर्जर प्रीमिअर लीग सुरत : पर्व 5 मध्ये त्यांना ‘गुर्जर गौरव’ पुरस्काराने सन्मानित करण्यात आले.
सध्याच्या राजकारणातील स्वार्थी दुनियेत नि:स्वार्थ भावनेने काम करणारा कार्यकर्ता नेत्याच्या दृष्टीसही पडत नाही. परंतू आजच्या बदलत्या राजकीय वातावरणात नि:स्वार्थी, साधेपणाने वावरणारे मोजके चेहरे देखील कधीकधी आपल्या नजरेस पडत असतात. नेत्याप्रति प्रामाणिक राहत चांगुलपणाने चांगलं काम करणारी काही माणसंही समाजात असतात, याचीच प्रचीती नवलसिंगराजे पाटील यांच्या निमित्ताने येते. नवलभाऊ यांना ‘गुर्जर गौरव’ पुरस्काराने सन्मानित केल्यामुळे त्यांचे खूप-खुप अभिनंदन !
– दीपक भदाणे (बिलखेडा, युवासेना तालुका प्रमुख)
