धरणगाव (प्रतिनिधी) धरणगाव लाड शाखीय वाणी समाज मंडळाची सभा नुकतीच वाणी समाज मंगल कार्यालयात संपन्न झाली. यावेळी लाडशाखीय वाणी समाज मंडळाच्या अध्यक्षपदी विलास पंढरीनाथ येवले यांची निवड करण्यात आली. तसेच नुतन कार्यकारीणी देखील जाहीर करण्यात आली.
कार्यकारी मंडळातून उपाध्यक्षपदी चंद्रशेखर लक्ष्मण मुसळे व तसेच सचिवपदी सुधाकर नामदेव वाणी यांची चौथ्यांदा फेर निवड करण्यात आली व प्रशांत श्रीराम केले यांची सहसचिव प्रविण तुकाराम कुडे यांची खजिनदार म्हणून एकमताने निवड करण्यात आली. तसेच संजय विठ्ठल मालपुरे, मुकुंद एकनाथ बागड, नगरसेवक ललित बाळकृष्ण येवले, सुधीर मधुकर पितृभक्त, अनिल गणपत मेणे, प्रशांत दत्तात्रय येवले यांची संचालकपदी व विशाल विनायक अमृतकर यांची प्रसिद्धी प्रमुखपदी आणि पदमाकर हरीभाऊ येवले, किशोर विठ्ठल मुसळे, अविनाश सुभाष मालपुरे, यांची सल्लागारपदी निवड करण्यात आली. याप्रसंगी नुतन अध्यक्ष, उपाध्यक्ष, सचिव, सहसचिव, खजिनदार संचालक, सल्लागार यांचे अभिनंदन करण्यात आले.
