वॉशिंग्टन (वृत्तसंस्था) आपल्या रोजच्या घडामोडीत अशा अनेक गोष्टी घडतात. परंतु काही गोष्टी अशा असतात, ज्या त्याबद्दल विचार करण्याची आणि समजून घेण्याची पद्धती मात्र जुन्याच असतात. तर ऐका मग, तुम्ही कधी पुरुषाने बाळाला जन्म दिल्याच ऐकलंय का? हे ऐकून तुम्हालाही आश्चर्य (Surprise) वाटत असेल पण तुम्ही जे ऐकलयं ते खरं आहे. अमेरिकेतील (America) एका २८ वर्षांच्या पुरुषाने चक्क एका बाळाला जन्म दिला आहे. 2020 साली त्याने एका मुलीला जन्म दिला.
वेस्ट व्हर्जिनियात राहणारा ऐश पॅट्रिक स्कॅडचा जन्म महिला म्हणून झाला. पण त्याला पुरुष बनायचं होतं. २०२० च्या काही वर्षे आधीपासून तो हार्मोन ट्रिटमेंट घेत होता. टेस्टेस्टेरॉन आणि ऑस्ट्रोजेनच ब्लॉकर घेत होता. ज्यामुळे महिलेपासून पुरुष बनता येईल. पण फेब्रुवारी २०२० मध्ये आपण प्रेग्नंट आहोत हे अचानक त्याला समजलं. पीएचडी स्टुटंड आणि मेन्टल हेल्थ वर्कर म्हणून काम करणाऱ्या ऐशने सांगितलं, एका डेटिंग अॅपवर एका अनोळखी व्यक्तीशी ओळख झाली. त्या व्यक्तीसोबत त्याने एक रात्र घालवली होती.
जेव्हा ऐशला प्रेग्नन्सीबाबत समजलं तेव्हा तो हैराण झाला. इतकंच नव्हे तर हार्मोन ट्रिटमेंट सुरू असताना तो प्रेग्नंट झाल्याने डॉक्टरांनाही आश्चर्य वाटलं. डेली स्टारच्या रिपोर्टनुसार ऐशला आपल्या लिंगाबाबत समस्या होती. आपल्याला नेमकं काय व्हायचं आहे, हे तो ठरवू शकत नव्हता. पण जेव्हा प्रेग्न्सीबाबत समजलं तेव्हा त्याने बाळाला जन्म द्यायचं ठरवलं. त्याचवेळी त्याने आपली हार्मोन ट्रिटमेंट थांबवली. त्याने एका मुलीला जन्म दिला. जिचं नाव रोनन असं ठेवलं. ऐशने सांगितलं की तो आपला २८ वर्षांचा पती जॉर्डनसोबत राहतो. दोघंही आपल्या मुलीची खूप काळजी घेतात.