धरणगाव (प्रतिनिधी) एकात्मिक बाल विकास सेवा योजना आयुक्तालय व राज्य पोषण संसाधन कक्ष (मुंबई) यांच्यातर्फे तसेच एकात्मिक बाल विकास प्रकल्प अधिकारी नागरी जळगाव बीट क्रमांक ६ यांच्या माध्यमातून अंगणवाडी क्रमांक १३४ मोठा माळीवाडा धरणगाव यांच्यावतीने पोषण आहार जनजागृती अभियानाला नुकतीच सुरुवात झाली आहे.
याप्रसंगी प्रमुख पाहुणे म्हणून कार्यक्रमाचे अध्यक्ष स्त्रीरोग तज्ञ रोशन कुमार सोनार तसेच माळी समाज अध्यक्ष विठोबा नामदेव माळी व सचिव गोपाळ भास्कर माळी हे कार्यक्रमाचे प्रमुख पाहुणे म्हणून उपस्थित होते. याप्रसंगी दीप प्रज्वलन करून समाज सुधारक महात्मा ज्योतिराव फुले तसेच सावित्रीबाई फुले यांच्या प्रतिमेस पुष्पहार अर्पण करण्यात आले. यानंतर डॉ. सोनार यांनी गरोदर माता व स्तनदा माता यांना पोषण आहार व पौष्टिक आहार, संदर्भात मार्गदर्शन केले. रक्ताशय, अतिसार, हात धुणे, वैयक्तिक स्वच्छता, इत्यादी विषयांवर माहिती सादर केली. पोषण आहार जनजागृती अभियान हा कार्यक्रम दि. १ सप्टेंबर २०२१ ते ३१ सप्टेंबर २०२१ पर्यंत राबविण्यात येणार आहे. या कार्यक्रमाप्रसंगी माळीवाडा परिसरातील गरोदर माता, स्तनदा माता, महिला भगिनी, मुले, मुली, बाळ गोपाळ, सर्व उपस्थित होते. कार्यक्रम यशस्वीतेसाठी अंगणवाडी सेविका कल्पना शिवाजी भामरे, मदतनीस बेबीबाई, गौतम शिरसाठ, यांनी परिश्रम घेतले. कार्यक्रमाचे सूत्रसंचालन कल्पना भामरे. व आभार बेबीबाई शिरसाठ यांनी मानले.
