बीड (वृत्तसंस्था) लग्न समारंभाहून परतत असताना कार आणि टिप्परच्या झालेल्या भीषण अपघात एका १० वर्षीय मुलाचा दुर्दैवी मृत्यू तर तिघे जण जखमी झाल्याची घटना धारूर तेलगाव रस्त्यावर घडली.
या संदर्भात अधिक असे की, धारुर तालुक्यातील चिंचपूर येथील हंडिबाग कुटूंबीय माजलगाव येथे एका लग्न समारंभाला सहकुटूंब गेले होते. दुपारी लग्न उरकुन परतत असताना तेलगाव कारखान्याजवळ भोपा फाट्यावर एका टिप्परने टिप्पर (क्र. एमएच ४४ यु ९३०९ ) ने त्यांच्या स्कार्पियो कारला जोराची धडक दिली. या धडकेत स्कार्पियो मधील दोन महिला जखमी झाल्या असून या अपघातात सोनू अशोक हंडिबाग या १२ वर्षांच्या मुलाचा मृत्यू झाला. तर अशोक हंडिबाग, मीरा इंडिबाग व निखील अशोक हंडिबाग हे तिघे गंभीर जखमी असून रुग्णालयात उपचारासाठी दाखल करण्यात आले आहे. या अपघातामुळे हंडिबाग कुटूंबीयावर दुःखाचा डोंगर कोसळला आहे.
