भुसावळ (प्रतिनिधी) नगरपरिषदेच्या सर्वसाधारण सभा व विविध विषयांच्या समित्यांच्या सभा व्हिडिओ कॉन्फरन्सिंग व्दारे घ्यावेत असे आदेश केलेले आहेत.भुसावळ नगरपरिषदेचे सर्व साधारण सभा शुक्रवार सकाळी ११.०० वाजेता नगरपरिषद सभागृहातून व्हिडिओ कॉन्फरन्सिंग घेण्यात आले. भुसावळ नगरपरिषद, भुसावळ सर्वसाधारण सभेच्या अध्यक्ष स्थानी रमण देविदास भोळे यांच्या उपस्थितीत सर्वसाधारण सभेचे कामकाज चालविण्यात आले.
भुसावळ नगरपरिषद भुसावळ यांची सर्वसाधारण सभा किमान आठ महिन्यानंतर घेण्यात आली. कोरोना विषाणूंच्या पाश्वभूमीवर भुसावळ नगरपरिषद भुसावळ यांची सर्वसाधारण सभा शासनाच्या आदेशान्वये तहकूब ठेवण्यात आली होती. महाराष्ट्र शासन नगरविकास विभाग, मंत्रालय मुंबई यांचे पत्र क्रमांक कोरोना -२०२० प्र.क्र ७६/ नवी -१४ दि ३ जुलै २०२० अन्वये नगरपरिषदेच्या सर्वसाधारण सभा व विविध विषयांच्या समित्यांच्या सभा व्हिडिओ कॉन्फरन्सिंग व्दारे घ्यावेत असे आदेश आल्यानंतर शुक्रवारी सकाळी ११.०० वाजता ऑनलाईन पद्धतीने सर्व साधारण सभेत गावातील विकासाच्या दृष्टीकोनातून महत्वाचे २४२ विषय घेण्यात आले होते. कोरम मधील उपस्थित विरोधी पक्षातील सहकारी मित्र व सत्ताधारी पक्षातील नगरसेवक असे एकूण ३४ सभासदांनी ऑनलाईन सभेत सहभाग नोंदविला. सभा ११.०० वाजेला ऑनलाईन सुरू झाल्यानंतर नेटवर्क प्रॉब्लेम आल्याने अनेक नगरसेवक ऑनलाईन सभेपासून वंचीत राहिले.काही वेळेनंतर नेटवर्क प्रॉब्लेम सुटल्यानंतर २४२ विषयांचे वाचन करण्यात आले. भुसावळ नगरपरिषद भुसावळ सर्व साधारण सभेचे अध्यक्ष रमण भोळे यांच्याशी मोबाईल व्दारे संपर्क साधला असता दिनांक २७/११/२०२० रोजी ऑनलाईन पद्धतीने जे सभेचे कामकाज चालविण्यात आले त्यातील २४२ विषय सभेमध्ये घेण्यात आले होते ते सर्व विषय मंजूर करण्यात आल्याची माहिती अध्यक्ष रमण भोळे यांनी दिली.
सभेतील विषयांची आकडेवारी दोन दिवसांनी देणार – मुख्याधिकारी संदीप छिद्रवार
शुक्रवार दिनांक २७/११/२०२० रोजी भुसावळ नगरपरिषद भुसावळ यांची सर्व साधारण सभा सकाळी ११.०० वाजता २४२ विषयांचे कामकाज चालविण्यात आले. नेमके या सभेत किती विषय मंजूर झाले हे सांगण्यास मुख्याधिकारी यांनी चुप्पी दर्शविली. दोन दिवसानंतर किती विषय मंजूर झाले हे कळविण्यात येईल अशी माहिती पत्रकारांना दिली.
विरोधी पक्षातील सहकारी मित्र व सत्ताधारी नगरसेवक युवराज लोणारी
भुसावळ नगरपरिषद भुसावळ यांची सर्वसाधारण सभा किमान आठ महिन्यानंतर घेण्यात आली. गावातील विकासाच्या दृष्टीकोनातून महत्वाचे २४२ विषय शासनाच्या आदेशानुसार ऑनलाईन पद्धतीने कामकाज चालविण्यात आले. जनाधार विकास पार्टीचे नगरसेवकांना सभेचा अजंदा आठ दिवसांपूर्वी देण्यात आला होता.ही सभा बेकायदेशीर घेण्यात येत आहे. असा रोष जनाधार विकास पार्टीच्या नगरसेवकांनी दर्शविला असून मुख्याधिकारी यांना निवेदन ही देण्यात आले होते. तसेच आमच्या कडे अँड्रॉड मोबाईल नसल्याने आम्हाला मोबाईल देण्यात यावा अशी मागणीही करण्यात आली होती. या वर नगरसेवक युवराज लोणारी यांनी टोला मारून सर्व नगरसेवक फेसबुक, व्हॉटऑप ऑनलाईन दिसतात मग यांच्या जवळ शहराचा विकास कामी सभेत सहभागी होण्यासाठी मोबाईल नसावा का ही हस्तापद बाब आहे. सभेमध्ये सर्व विषय मंजूर करण्यात आल्याची माहिती नगरसेवक युवराज लोणारी यांनी दिली.
