भडगाव (प्रतिनिधी) भडगाव येथील पारोळा चौफुलीवर वढधे गिरणा पात्रातून वाळू लिलावास विरोध म्हणून महाराष्ट्र नवनिर्माण सेनेकडून रास्ता रोको आंदोलन करण्यात आले. रस्त्यावर रास्ता रोको आंदोलन चालल्याने काही वेळ वाहतूक ठप्प झाली होती. तसेच मंडळ अधिकारी चव्हाण यांना विरोधाचे निवेदन देण्यात आले.
१७ रोजी सकाळी ११ वाजता रास्ता रोकोला सुरुवात झाली. २० ते २५ मिनिटे रस्त्यावर रास्ता रोको आंदोलन चालल्याने रस्त्यावर काही वेळ वाहतूक ठप्प झाली होती. यावेळी मनसेचे जिल्हाध्यक्ष अनिल वाघ, तालुकाध्यक्ष आबा पाटील, शहराध्यक्ष सुनील पाटील, हिरामण पाटील, प्रदीप मालचे, मिलिंद अहिरे रामा पवार, ऋषिकेश भोई, पाचोरा शहराध्यक्ष राजू ठाकरे, अमोल कांबळे, अमोल वाघ, वाट्या, मुजू पठाण, दबंग बोरसे, उमेश बैरागी, परवेज पठाण, मोहन राठोड, सूरज पाटील, नितीन कलमे, राहुल ठाकरे, बबलू शार्दुल यांच्यासह कार्यकर्ते उपस्थित होते. मंडळ अधिकारी चव्हाण यांना विरोधाचे निवेदन देण्यात आले. यावेळी पोलीस उपनिरीक्षक नलावडे यांच्या नेतृत्वात पोलीस बंदोबस्त ठेवण्यात आला होता.
वाळू लिलाव लोकहिताचा नाही
वाक ग्रामपंचायत व भडगाव नगरपरिषदेची पाणीपुरवठा करणारी विहीर काही अंतरावर आहे. वाळू लिलाव झाल्यास दोन्ही गावांना पाण्याच्या भीषण टंचाईला सामोरे जावे लागेल. यामुळे हा वाळू लिलाव हा लोकहिताचा नाही. वाळू लिलाव हा अनेक समस्यांना निर्माण करणारा आहे. त्यामुळे हा निर्णय त्वरित मागे घ्यावा.
