ब्रेकिंग न्यूज : विशेष सरकारी वकील प्रवीण चव्हाण यांच्याकडून १९ खटले काढून घेण्याचे आदेश !

मुंबई (प्रतिनिधी) राज्यात गाजलेल्या अनेक आर्थिक खटल्यांमध्ये विशेष सरकारी वकील असलेले प्रवीण चव्हाण यांच्याकडून अनेक खटले काढून घेण्याचे आदेश आज राज्य सरकारने दिले आहेत. तत्कालीन विरोधी पक्षनेते देवेंद्र फडणवीस यांनी विधानसभेत सादर केलेल्या पेन ड्राईव्ह बॉम्बमुळे प्रवीण चव्हाण हे अडचणीत आले होते.

जळगाव येथील घरकुल घोटाळ्यात माजी मंत्री सुरेशदादा जैन आणि इतरांना शिक्षेपर्यंत पोहचवल्याने अॅड. प्रवीण चव्हाण हे नाव राज्यभर चर्चेत आले होते. राज्याच्या वरिष्ठ अधिकारी वैशाली पी.बोरुडे यांच्या सहीच्या आज २१ सप्टेंबर रोजी निघालेल्या आदेशात महाराष्ट्र सरकारने ॲड.प्रवीण पी. चव्हाण यांची “विशेष सरकारी वकील” म्हणून केलेली नियुक्ती रद्द केल्याचे नमूद केले आहे. विशेष म्हणजे त्यांच्याकडील तब्बल १९ खटले काढून घेण्यात आले आहे.

राज्यातील डीएसके यांचा आर्थिक घोटाळा ,बहुचर्चित समृद्धी जीवन यांनी घोटाळा नागपूर येथील रवींद्र आंबेकर यांच्या संदर्भातील मोका केसेस , राष्ट्रवादीचे माजी आमदार आणि अण्णाभाऊ साठे आर्थिक विकास मंडळाचे अध्यक्ष रमेश कदम यांनी केलेला अण्णाभाऊ साठे विकास महामंडळाचा घोटाळा, अश्या अनेक महत्त्वाच्या केसेस प्रवीण चव्हाण हे न्यायालयात सरकार पक्षाची बाजू मांडत होते. प्रविण चव्हाण हे सरकार पक्षाच्या वतीने सरकारी वकिल म्हणून बाजू मांडत असलेल्या अशा तब्बल 19 केसेस चव्हाण त्यांच्याकडून काढून घेण्यात आल्याचे कळतेय.

तत्कालीन विरोधी पक्षनेते देवेंद्र फडणवीस यांनी राज्य विधीमंडळाच्या अधिवेशनावेळी मार्च महिन्यात पेन ड्राईव्ह बॉम्ब टाकून केला होता.फडणवीस यांनी 125 तासांच्या स्टिंग ऑपरेशनचे फुटेज विधानसभेत सादर करत भाजप नेते गिरीश महाजन यांच्या विरोधात खोटं कुभांड रचून एकूण 28 लोकांवर कसा एफआयआर दाखल करण्यात आला आणि त्यात ॲड.चव्हाण यांचा कसा रोल आहे?, हे सांगून खळबळ उडवून दिली होती.

प्रवीण चव्हाण हे कायम राजकीय प्रभावात तसेच एखाद्या चित्रपटाला साजेल असे रंजक कथानक तयार करत होते. अशा बेकायदेशीर काम करण्याच्या पद्धतीमुळे गृह खात्याने विशेष सरकारी वकील पदावरून त्यांची हकालपट्टी करण्याचे आदेश जारी केले आहेत. सीबीआय चौकशीत याबाबत आणखी खुलासे समोर येतीलच.

– गिरीश महाजन (वैद्यकीय शिक्षण मंत्री, महाराष्ट्र राज्य)