रावेर (प्रतिनिधी) उसतोड कामगाराच्या अल्पवयीन मुलीवर अत्याचार करून गर्भवती करणाऱ्या एकाविरुद्ध रावेर पोलिस स्थानकात पोस्को कायद्यानुसार गुन्हा दाखल करण्यात आला आहे.
ताडजिन्सी ता. रावेर येथील मुळ रहिवासी मात्र उसतोड कामानिमीत्त फलटण–बारामती येथील साखर कारखाना परिसरात राहणाऱ्या एकाविरुद्ध हा गुन्हा नोंद करण्यात आला आहे. उसतोडीच्या कामानिमीत्त पिडीत मुलीचे आईवडील आपल्या परिवारासह फलटण येथे गेले होते. याच काळात पिडीत मुलगी घरी एकटी असल्याचे फायदा घेत ताडजिन्सी ता. रावेर येथील मुळ रहिवासी मात्र उसतोड कामानिमीत्त फलटण–बारामती येथे गेलेला संशयीत आरोपीने पिडीतेवर अत्याचार केलेत. मजूर दाम्पत्याची मुलगी झोपडीत एकटी असल्याचे बघून त्याने तिच्यावर वेळोवेळी शरीरसंबंध केले. सुमारे सात ते आठ महिन्यापुर्वी झालेल्या या प्रकारातून अल्पवयीन मुलगी गर्भवती झाली. या प्रकरणी पिडीत मुलीच्या आईच्या तक्रारीवरून आरोपीविरुद्ध गुन्हा दाखल करण्यात आला असून पुढील तपास पोलिस उप निरीक्षक विशाल सोनवणे हे करत आहेत.
