धरणगाव (प्रतिनिधी) येथील पी. आर. हायस्कूल व कला वाणिज्य विज्ञान महाविद्यालयातील राष्ट्रीय छात्र सेनेचे विद्यार्थ्यांनी जन आंदोलन कोविड २०१९ या मोहिमेत घरी राहून सहभाग घेतला व कोरोनापासून सुरक्षितता राखण्यासाठी असणाऱ्या नियम स्वतः पाळणार आणि जनजागृती करणार अशी शपथ घेतली आहे १८ महाराष्ट्र बटालियन एनसीसीचे कार्यक्षेत्रात कर्नल प्रवीण धिमन यांच्या मार्गदर्शनाखाली ही मोहिम राबविली जात आहे
पी आर हायस्कूल व कला वाणिज्य विज्ञान महाविद्यालयातील राष्ट्रीय छात्र सेनेचे अधिकारी डॉ अरुण वळवी चीफ ऑफिसर डी एस पाटील यांनी विद्यार्थ्यांना मार्गदर्शन केले व विद्यार्थ्यांना या मोहिमेत सहभागी करून घेतले अनेक ज्युनिअर सिनियर डीविजन मधील एन सी सी कॅडेट्स यांनी आपल्या घरीच जन आंदोलन kovid २०१९ ची शपथ घेतली यात कोरोना विषाणूच्या प्रादुर्भावाला रोखण्यासाठी केंद्र सरकार, राज्य सरकार व स्थानिक प्रशासनाच्या सूचनांनुसार गर्दीच्या ठिकाण ,जागी जाणे टाळणे, मास्क वापरणे, परस्परांमध्ये दोन मीटर अंतर राखणे, साबणाने वारंवार हात स्वच्छ धुणे यासोबत समाजातील प्रत्येक घटकाला यासंबंधी जनजागृती करणे अशाप्रकारे प्रतिज्ञा घेण्यात आली व माझे कुटुंब माझी जबाबदारी या ब्रीद अनुसार स्वतःला कोरोना पासून सुरक्षित ठेवून इतरांनाही या विषाणूच्या प्रादुर्भावापासून बचाव करण्यासाठी स्वतः जबाबदारी उचलली. यात प्रथमेश सोनार,भूमिका सुर्यवंशी,कावेरी पाटील,ओम पाटील आदी विद्यार्थ्यांनी सहभाग नोंदवला.
या अभियानाच्या यशस्वीतेसाठी मुख्याध्यापक संजय अमृतकर, उप मुख्ध्यापक डॉ संजीव कुमार सोनवणे,महाविद्यालयाचे प्राचार्य डॉ टी एस बिराजदार,उप प्राचार्य डॉ किशोर पाटील आदींनी मार्गदर्शन केले तर संस्थेचे अध्यक्ष डॉ अरुण कुलकर्णी,उपाध्यक्ष वसंतराव गालापूरे,सचिव डॉ मिलिंद डहाळे,संचालक अजय पागरिया यांनी विद्यार्थ्यांचे कौतुक केले.
